Շարժումը չի մարել, այդ մարդիկ են մարել, որևիցե բան մեր ճանապարհին խոչընդոտ չի կարող լինել։ Այս մասին Սուրբ Աննա եկեղեցու բակում հայտարարել է «Հայաստան» խմբակցության պատգամավոր Գառնիկ Դանիելյանը։

«Հայ մարդը չի կարող հանգիստ գլուխը դնել բարձին քնել, քանի որ հայրենիքը այսպիսի ծանր իրավիճակում  է և մենք ուրիշ ճանապարհ չունենք, բացի մեր նպատակներին հասնելը։ Եվ հասնելու ենք մեր նպատակներին ի հեճուկս ամեն ինչի։

Պետական ապարատում մենք ունենք բազմաթիվ մեզ աջակցող, սիրելի, պաշտելի հայրենակիցներ, որոնք որ մեր կողքին են, անհրաժեշտ պահին մեզ միանալու են»,-ասել է նա:

Գառնիկ Դանիելյանը անդրադարձավ նրան, որ «Իրազեկ քաղաքացիների միավորում» ՀԿ նախագահ Դանիել Իոանիսյանը փորձել է պարզել, թե որտեղից են կարողացել շարժման անդամները բեմահարթակ կառուցել Հանրապետության հրապարակում, եւ ասաց, որ այս շարժման հետեւում  կանգնած է միայն հայ ժողովուրդը:

Քիչ առաջ՝ Երևանի ժամանակով 23։27 րոպեին, Հայաստանում երկրաշարժ գրանցվեց։

Երկրաշարը զգացվել է նաև Երևանում, Կոտայքի, Արարատի, Արմավիրի մարզերում։ 

Երկրաշարժի ուժգնության ու էպիկենտրոնի մասին դեռևս մանրամասներ չի հաղորդվում։

Մայիսի 28-ի նվիրական օրը, երբ աշխարահասփյուռ հայությունը հետևում էր Մայր Հայրենիքում տեղի ունեցող իրադարձություններին՝ մեր պետականության վերականգնման պանծալի խորհրդին հաղորդակից լինելու համար, համոթ բոլորիս ականատես դարձանք աննախադեպ տեսարանի:

Հայաստանի ու հայության համար ծանր այս օրերին, երբ աշխարհասփյուռ հայության միասնականության գրավականը Հայոց Եկեղեցին է, ազգակործան պառակտումը ամոթալի ձևեր է ստանում: Հայոց Հայրապետի և եկեղեցականների հանդեպ ոստիկանների դրսևորած անվայել պահվածքից հետո մենք մտածում ենք՝ արդյոք արժանի՞ են այս մարդիկ իրենց հայրերի զավակներ կոչվելուն, արդյոք նրան գիտե՞ն, թե ինչպես է կերտվել հայոց պետականությունը, և ինչ դեր է ունեցել այս հարցում Հայ Եկեղեցին:

Մեր հարգանքն ու խոնարհումը բոլոր ազնիվ ոստիկաններին, ովքեր ծառայում են հանուն հասարակության բարօրության, բայց հասարակության բարօրությունը չի կարող դիտվել մեր ընտանիքներից՝ մեր ծնողներից ու մեր զավակներից, մեր հայրերից ժառանգած ու դարերով հղկված-հաստատված ազգային մեր ինքնությունից դուրս, իսկ ով փորձում է անարգել Քրիստոսի Խաչն ու Եկեղեցին, նա անարգում է իր հայրերին ու իր սերունդներին:

Վրաստանի հայոց եկեղեցիներից հայցում ենք, որ Աստված ների մոլորության մեջ հայտնված պաշտոնյաների հանդուգն վարքը: Թող փորձությունների այս ալիքը ի վերջո սթափեցնի նրանց, ովքեր իրենց հոգում կրում են իրենց հայրերի՝ պետականություն ունենալու երազանքը, և անսասան պահի պետականության սուրբ հենասյունը՝ Հայոց Եկեղեցին:

ՀԱՅ ԱՌԱՔԵԼԱԿԱՆ ՍՈՒՐԲ ԵԿԵՂԵՑՈՒ ՎԻՐԱՀԱՅՈՑ ԹԵՄԻ ԱՌԱՋՆՈՐԴ

ԳԵՐԱՇՆՈՐՀ ՏԵՐ ԿԻՐԱԿՈՍ ԵՊԻՍԿՈՊՈՍ ԴԱՎԹՅԱՆ

Նախկին հրամանատարի խոսքով, 1999 թվականից հետո ՀՀ-ն է դարձել Արցախի անվտանգության երաշխավորը․

«Ղարաբաղցիների Արցախից դուրս գալու մինչև վերջին օրն Արցախի ՊԲ-ն ենթարկվում էր ՀՀ-ին, ինչը սխալ էր, նամակներ ունեմ գրած, որ ենթարկացնեին այնտեղ»։

Դիտարկմանը, թե ինչո՞ւ Արցախի ՊԲ-ն մեկ օրում զենքերը հանձնեց, Բաբայանը պատասխանեց, որ  հարցնենք ՀՀ ՊՆ-ին ու հրամանատարին։

«ՀՀ իշխանությունը մատը մատին չխփեց, որ մնանք Արցախում, ասեցին՝  ձեր ներքին գործն է, չենք խառնվում, դա փաստ է։ Վերջ տվեք, հատվածային իրար վրա մեղք գցելուն, պարտվողը բոլորս ենք, որ լռել ենք այդքան տարի»։

Անդրադառնալով Նիկոլ Փաշինյանի հրաժարականը պահանջող պայքարին Սամվել Բաբայանը նշեց, որ ինքը դեռ երկու տարի առաջ է ասել, որ պետք է արտահերթ ընտրություններ լինեն, բայց եթե ընդդիմությունն ուզում է, որ Բագրատ Սրբազանը պայքարը տանի մինչև վերջ, պետք է մանդատները դնեն, այդ ժամանակ միայն հրապարակի թիվը կքառապատկվի։

Մանրամասները տեսանյութում։

«Շիրակը հանուն հայրենիքի» շարժումը մայիսի 31-ին քննարկում է նախաձեռնել։

«Ժամը 12։00-ին հավաքվում ենք Յոթ Վերք եկեղեցու դիմաց՝ կարևոր քննարկման»,- շարժման հայտարարության մեջ։

Կիրանցեցի Գոհար Վարդանյանը տեղում ներկայացնում է սահմանազատման արդյունքում ստեղծված իրավիճակը:

«Կիրանցեցիների վարելահողեր տանող միակ ճանապարհը, սահմանազատումից հետո նույնպես անցել է Ադրբեջանին:

Սա էնքան երկրորդային խնդիր ա, որ մարդիկ անգամ չեն խոսում սրա մասին, բայց դե իմացեք էլի:

Այդ վարելահողերում կա ցանված մոտ 30 հա հացահատիկ»- գրել է նա՝ ֆեյսբուքյան էջում։ 

Պահեստազորի գնդապետ Միհրան Մախսուդյանի որդու՝ Վահագն Մախսուդյանի խափանման միջոցը փոխարինվեց տնային կալանքի: Այս մասին YerevanToday-ին հայտնեց փաստաբան Վարազդատ Հարությունյանը:

«Հիմա սպասում ենք որոշումը վերցնենք գնանք ՔԿՀ, որ ազատ արձակվի»,- նշեց փաստաբանը:

Հիշեցնենք. Վահագն Մախսուդյանը կալանավորվել էր 2 ամիս ժամկետով՝ Կիրանց գյուղի համար պայքարի ելած քաղաքացիների վրա քշած ԵԿՄ մեքենային հարվածելու համար:

«Ինձ կալանավորում են հորս լռեցնելու համար, բայց դուխներդ չգցեք, շարունակեք մեր արդար պայքարը»,- նշել էր Մախսուդյանը:

Սա այօրվա թերևս ամենից խոսուն պատկերն է: Նկարում երևում է սպիտակ վերնաշապիկով ու մոխրագույն փողկապով մի քպ-ական պաշտոնյա, որ շատ նման է ԿԳՄՍ նախկին նախարար, կառավարության աշխատակազմի ղեկավար, իսկ ըստ որոշ մեկնաբանների՝ նաև որոշակի հարցերում Փաշինյանի «հուշարար» (չենք ուզում վիրավորել կարդինալ Ռիշելիեի երկրպագուների զգացմունքները՝ «գորշ կարդինալ» բառակապակցությունը գործածելով) Արայիկ Հարությունյանին:

Նա կառավարության շենքի վերին հատվածից հետևում է «Տավուշը՝ հանուն Հայրենիքի» շարժման այսօրվա բողոքի ակցիային: Այն շարժման, որն ըստ Արայիկ Հարությունյանի կուսակիցների ու քպ-ական ֆեյքերի՝ «մարել է»:
Հարությունյանը հրապարակին է նայում հազարավոր ոստիկաններով պաշարված կառավարության շենքից:
Իսկ մի ժամանակ մետրոյաով էին, իբր, երթևեկում:

 zham.am 

Հունիսի 1-ին Հանրապետության հրապարակում նախատեսված «Փայլոու» մանկական մյուզիքլի անցկացմամբ պայմանավորված՝ մայիսի 31-ի ժամը 20:30-ից մինչև հունիսի 1-ի ժամը 24:00-ն կփակվի Ամիրյան փողոցից Տիգրան Մեծ պողոտա ուղղությունը:

Հանրապետության հրապարակ հասած տրանսպորտային հոսքերը ճանապարհը կարող են շարունակել միայն աջ դարձով՝ դեպի Վազգեն Սարգսյան փողոց: Հետադարձ ուղղությամբ՝ Վազգեն Սարգսյան փողոցից Հանրապետության հրապարակ մտնող հոսքերի համար երթևեկության սահմանափակում չի լինի: 

Հունիսի 1-ին՝ ժամը 18:00-ից մինչև 24:00-ն, Հանրապետության հրապարակի տրանսպորտային մուտքերը կփակվեն ամբողջությամբ:

Այդ ժամանակահատվածում Ամիրյան փողոցով անցնող ավտոբուսային հ. 22, 44, 54, 58, 97 և միկրոավտոբուսային հ.75 երթուղիները Մաշտոցի պողոտայից կշահագործվեն Գր. Լուսավորչի, Ագաթանգեղոսի փողոցներով Տիգրան Մեծի պողոտա և գործող ուղեգծով:

Ավտոբուսային հ. 33, 67 երթուղիները Մաշտոցի պողոտայից կշահագործվեն Ամիրյան, Զաքյան, Խորենացու, Ագաթանգեղոսի փողոցներով Տիգրան Մեծի պողոտա և գործող ուղեգծով: