ՀՀ պետական հանրակրթական դպրոցներում առաջին դասարանցիների հայտագրման գործընթացը կմեկնարկի երեխայի և ծնողի տվյալների հավաստիության և համապատասխանության ստուգմամբ: Դպրոց ընդունվող երեխայի ծնողները 2025 թ. մայիսի 5–ից stugum.emis.am կայքում կարող են ստուգել երեխայի անձնական տվյալների առկայությունն ու ճշգրտությունը։ Այս քայլnվ անհրաժեշտ  է՝ բուն հայտագրման գործընթացը սկսելու և հնարավոր խնդիրներից խուսափելու համար։ Հայտնում են ԿԳՄՍՆ-ից: 

Բուն հայտագրումը կմեկնարկի հունիսի 9-ից և կիրականացվի 3 փուլով։

Հայտագրման գործընթացը կիրականացվի ԿԳՄՍ նախարարության «Կրթական տեխնոլոգիաների ազգային կենտրոնի» կողմից վարվող «Սովորողներին դպրոց հայտագրելու էլեկտրոնային համակարգի» (hayt.emis.am, haytru.emis.am) միջոցով։ 

Առաջին փուլ

Հունիսի 9-ից հայտագրումը hayt.emis.am կայքում բաց կլինի որոշակի արտոնություններ ունեցող անձանց համար և կտևի մինչև հունիսի 22-ը ներառյալ։ Արտոնություններից կարող են օգտվել ինչպես հայերենով, այնպես էլ ռուսերենով ուսուցմամբ դասարաններում հայտագրել ցանկացող ծնողները։ Առաջնահերթություն և արտոնություն է դիտարկվում, եթե. 

• հայտագրվող երեխայի քույրը կամ եղբայրը սովորում են հանրակրթական նույն դպրոցում,
• հայտագրվող երեխայի ծնողը տվյալ դպրոցի աշխատակից է,
• հայտագրվող երեխայի ծնողը ՀՀ պետական համակարգի աշխատող է, որն աշխատանքային պարտականության կատարմամբ պայմանավորված՝ տվյալ ոլորտային օրենսդրությանը համապատասխան` ՀՀ տարածքում ներքին գործուղման հետևանքով առնվազն 6 ամիս ժամկետով այլ բնակավայր է տեղափոխվել:

Վերոնշյալ ժամկետային սահմանափակումը չի գործում, եթե հայտագրումը կատարվում է ՀՀ օրենսդրությամբ սահմանված՝ տվյալ դպրոցից մինչև տուն սպասարկման հետիոտնային հասանելիության շառավղով բնակվող՝ անապահովության գնահատման համակարգում ընդգրկված ընտանիքների, խնամակալության տակ գտնվող, հաշմանդամություն ունեցող երեխայի կամ հաշմանդամություն ունեցող ծնողների երեխաների համար: Այս դեպքում երեխային հաստատություն ընդունելու համար ծնողը դիմում է ՀՀ ԿԳՄՍ նախարարություն՝ ներկայացնելով համապատասխան հիմքերը: Նշված խմբի երեխաների հայտագրումը կատարվում է՝ համաձայն 2010թ. նոյեմբերի 24-ի N 1640-Ն հրամանով հաստատված կարգի: 

Երկրորդ փուլ

Երկրորդ փուլով՝ հունիսի 24–ից, առաջին դասարանցիների հայտագրման գործընթացը կիրականացվի ընդհանուր հիմունքներով hayt.emis.am կայքում՝ հայերենով ուսուցում իրականացնող հանրակրթական ուսումնական հաստատությունների բոլոր առաջին դասարանցիների ընդունելության համար (այդ թվում՝ օտարերկրյա քաղաքացիների, երկքաղաքացիների, քաղաքացիություն չունեցող անձանց (նրանց օրինական ներկայացուցչի), երբ ծնողներից մեկը թվարկված որևէ խմբի ներկայացուցիչ է, իսկ մյուսը՝ ազգային փոքրամասնություն ներկայացնող ՀՀ քաղաքացի, որոնք ցանկանում են երեխային հայտագրել հայերենով ուսուցմամբ դասարանում)։ 

Երրորդ փուլ

Երրորդ փուլով՝ հուլիսի 1-ից, հայտագրում կիրականացվի haytru.emis.am կայքում՝ ծնողների ընտրությամբ ռուսերենով ուսուցմամբ դասարաններում սովորելու համար. այս փուլը վերաբերում է այն դեպքերին, երբ ծնողներից մեկը օտարերկրյա քաղաքացի է կամ երկքաղաքացի կամ քաղաքացիություն չունեցող անձ (նրա օրինական ներկայացուցիչը) կամ ծնողներից մեկն ազգային փոքրամասնություն ներկայացնող ՀՀ քաղաքացի է: 

Նշենք, որ երկյակ, եռյակ, քառյակ և ավելի երեխաներից առնվազն մեկի հայտագրումը որևէ հանրակրթական ուսումնական հաստատությունում ապահովում է մյուս երեխաների ընդունելությունը նույն հաստատություն՝ անկախ լիցենզիայով տրված տեղերի սահմանափակումից։ 

Հայտագրումը կշարունակվի ողջ ուսումնական տարվա ընթացքում։

Կառավարության՝ ապրիլի 30-ի նիստին ԱԳ նախարար Արարատ Միրզոյանը տեղեկացրեց, որ Բելգիայում եւս դեսպանատան համար շենք է գնվել, որտեղ վերանորոգման աշխատանքներ պետք է արվեն:

Սա զարմացրեց Փաշինյանին: ԱԳ նախարարը հիշեցրեց, որ կառավարության որոշմամբ է դա արվել:

Փաշինյանն էլ արձագանքեց. «Բայց ես չգիտեի, որ արդեն արվել է:

Եթե կառավարությունում զեկուցվել է, ուրեմն ես չեմ եղել այդ նիստին, թե չէ կհիշեի»:

Ռեփեր Ջիգանի կինը՝ ռուս բլոգեր Օքսանա Սամոյլովան, Instagram-ում լողազգեստով լուսանկար է հրապարակել, փոխանցում է lurer.com-ը։

Օքսանա Սամոյլովան ցուցադրել է իր կազմվածքը սև լատեքսային բիկինիով։ Լողազգեստն ընդգծել է բլոգերի մարզական կազմվածքը։

Ռեփերի կինը բազմիցս ասել է, որ դժվարությամբ է գիրանում, իսկ սթրեսի ժամանակ ոչ թե գիրանում, այլ նիհարում է։

Իսկ մկանային զանգվածը մեծացնելու համար նա գրեթե ամեն օր ֆիթնեսով է զբաղվում։

Սամոյլովայի խոսքով՝ իրեն դուր չի գալիս իր «նիհար» կազմվածքը, թեև բաժանորդները «ռմբակոծում են» իրեն հաճոյախոսություններով։ 

Հրաշալի կազմվածք, զգացմունքային ժպիտ եւ մեծ տաղանդ։ Ավստրալացի դերասանուհի Մարգո Ռոբին Հոլիվուդի ամենաերիտասարդ դերասանուհիներից է, որի համար քննադատները հրաշալի ապագա են կանխատեսում։ 2018թ.-ին աստղի հայտնիությունը, որը նոմինացված էր «Օսկար» մրցանակի, հասավ գագաթնակետին. Մարգոյի մասին առաջին անգամ խոսեցին որպես լուրջ դրամատիկ դերասանուհի, որի ստեղծագործական ամպլուաները բազմազան են ու խորը։

28-ամյա աղջկա գեղեցկությունն ու տաղանդը ոչ միայն ի ծնե շնորհներ են, այլեւ մեծ աշխատանք, ինչպես նշում է Ռոբին։ Իր վերջին հարցազրույցում Մարգոն պատմել է սնվելու կանոնների եւ մարզումների մասին, որոնց հետեւում է մի քանի տարի շարունակ: 

1. Նախաճաշի բացակայություն 

Մարգո Ռոբին հավաստիացնում է, որ հագեցած գրաֆիկի պատճառով հազվադեպ է հասցնում նախաճաշել, եւ առաջին լուրջ սնունդն իր համար ճաշն է։ Աստղի մարզիչը՝ Դեւիդ Հիգինսն, այս միջոցը խորհուրդ է տալիս նրանց, ովքեր ցանկանում են արագ ազատվել ավելորդ քաշից։ Նա որպես օրինակ նշում է Կլաուիդա Շիֆերի եւ Նաոմի Քեմփբելի անունները. երկու մոդելներն էլ վերջին շրջանում հրաժարվել են նախաճաշից ի օգուտ սննդարար ճաշի։ Մոտավորապես ժամը 12-ին Մարգո Ռոբին սմուզի է օգտագործում, եւ նա երկու սիրելի բաղադրատոմս ունի՝ կաղամբով եւ խնձորով կամ վարսակի կաթով, ազնվամորիով ու մոշով։ 

«Գաղտնիքը պարզ է. նախաճաշի փոխարեն մեր օրգանիզմը ծախսում է պաշարված էներգիան, եւ այդ կերպ նյութափոխանակությունն արագանում է»,- ասում է Մարգո Ռոբիի մարզիչը։

2. Արգելված մթերք

Ավստրալուհին նշում է, որ ժամանակ առ ժամանակ իրեն թույլ է տալիս ուտել սիրելի կրուասանները կամ թխվածքները, սակայն հաջորդ երեք օրերի ընթացքում նա ստիպված է լինում գազար եւ աղցաններ ուտել։

«Ես սիրում եմ գարեջուր, բուրգերներ եւ կարտոֆիլ ֆրի, բայց… Եթե ես հաճախ սնվեմ դրանով, մարմինս շատ ավելի վատ տեսք կունենա։ Այդ պատճառով ամեն ինչում պետք է հավասարակշռություն լինի։ Արագ սննդի օգտագործումից հետո բեռնաթափման մի քանի օր եմ կազմակերպում»,- նշում է նա։

3. Սիրելի սպիտակուցային ճաշ

Մարգո Ռոբիի սիրելի ճաշատեսակը կիտրոնի հյութով եփված հավի միսն է։ Դերասանուհին այն համադրում է լոլիկով ու վարունգով, ինչպես նաեւ ձիթապտղի յուղով պատրաստված աղցանով։

4. Բռնցքամարտ, կարդիո եւ կքանստումներ

Մարգո Ռոբիի մարզումների հիմնական մասը կազմում է կարդիոծանրաբեռնվածությունը. նա սիրում է վազք, սերֆինգ, ինչպես նաեւ շաբաթվա ընթացքում մի քանգամ բռնցքամարտի է հաճախում։ Բացի այդ՝ դերասանուհին երկար ժամանակ է հատկացնում նստատեղի մկաններ մարզմանը:

5. Համեղ ընթրիք

Մարզումներով, նկարահանումներով եւ գործակալների հետ հանդիպումներով հագեցած օրվանից հետո Մարգո Ռոբին ձգտում է համեղ ու օգտակար ընթրել հարազատներին ու մտերիմների շրջանում։ Դերասանուհին եւ նրա ամուսինը՝ Թոմ Ակերլին, հաճախ թունա ձկից սթեյք են պատրաստում, այն համադրում կարտոֆիլի հետ։

«Երբեմն ինձ թույլ եմ տալիս ընթրիքին մի բաժակ սպիտակ գինի խմել, հատկապես երբ ձուկ եմ ուտում»,- նշում է նա։

Ուկրաինան միջոցներ ունի մայիսի 9-ին Հաղթանակի շքերթի ժամանակ Մոսկվայի Կարմիր հրապարակին հարվածելու։ Այս մասին հայտարարել է Գերագույն ռադայի ազգային անվտանգության, պաշտպանության և հետախուզության հարցերով հանձնաժողովի քարտուղար Ռոման Կոստենկոն, հաղորդում է RT-ն։

Պատգամավորը նշել է, որ Կիևը «ունի կարողություն» նման հարված հասցնելու, և Ուկրաինան, ենթադրաբար, ունի դրա համար անհրաժեշտ «հեռահար զենքը»։

Դրանից կարճ ժամանակ առաջ Ուկրաինայի նախագահ Վոլոդիմիր Զելենսկին ակնարկել էր, որ ցանկանում է հարձակվել Մոսկվայում Հաղթանակի շքերթի վրա։

«Նրանք անհանգստացած են, որ իրենց շքերթը կասկածի տակ է, և նրանք ճիշտ են», - ասել է Զելենսկին։

Ապրիլի 30 դրությամբ մենք ստացել ենք 96.900 դիմում՝ նույնականացման քարտ տրամադրելու հետ կապված, և արդեն իսկ տպագրված է 81.900 նույնականացման քարտ: Այդ մասին Կառավարության՝ ապրիլի 30-ի նիստին ասաց ՆԳ նախարար Արփինե Սարգսյանը:

Նախարարը նկատեց՝ սրանք ընդամենը մուտք եղած դիմումներն են: Կան նաև հերթագրման համակարգում սպասող քաղաքացիներ, որոնք դեռ չեն ներկայացրել դիմումները, որ տպագրության պրոցեսն իրականացվի:

«Ըստ այդմ՝ Երևանում և մարզերում ընդհանուր հաշվարկով ևս 54.261 անձ սպասում է իր հերթին, որպեսզի կարողանա մոտենալ անձնագրային համապատասխան ստորաբաժանում և դիմում ներկայացնել՝ նույնականացման քարտ ստանալու հետ կապված:

Եթե ընդհանուր հանրագումարով նայենք՝ ստացվում է շուրջ 151 հազար անձ արդեն իսկ ստացել է նույնականացման քարտ կամ սպասում է իր հերթին, որպեսզի կարողանանք քարտերի տպագրություն իրականացնենք»,- ասաց նա:

Նախարարը նշեց, որ այսօր օրական շուրջ 1000 նույնականացման քարտի սպասարկում է հնարավոր անել, բայց առաջիկայում թիվը կկրկնապատկվի. «Մենք ձեռք ենք բերել երկու նոր տպագրական սարքերի համար նախատեսված լազերային համակարգ, որը թույլ կտա նույնականացման քարտերի՝ ավելի արագ տպագրություն իրականացնել, ըստ այդմ՝ թողունակությունն ավելի մեծացնել»:

Նախարարը վիճակագրություն ներկայացրեց, ըստ որի՝ 2023 թվականին տրամադրվել է շուրջ 64 հազար նույնականացման քարտ, 2024 թվականին՝ 161 հազար, իսկ 2025 թվականին 4 ամիսների կտրվածքով տրամադրված նույնականացման քարտերի թիվը մոտենում է նախորդ տարվա ծավալին:

Անդրադառնալով նույնականացման քարտերի հետ կապված գործընթացին և հայտարարագրման համակարգի ու մյուս ծրագրերի հնարավոր հետաձգումների մասին խոսակցություններին՝ վարչապետ Նիկոլ Փաշինյանը հայտարարեց. «Հարգելի՛ գործընկերներ, ես ասում եմ՝ չի հետաձգվելու ոչ մի բան: Չի՛ հետաձգվելու: Բացարձակապե՛ս: Այս պահին ինչ ուժի մեջ է, այլևս ո՛չ մի հետաձգում: Որ նախարարն եկավ ասեց՝ հետաձգենք, ավելի լավ է՝ հրաժարականի դիմում գրի: Չգաք ասեք՝ հետաձգենք: Չկա հետաձգում»:

Աշխարհի բոլոր կառավարություններն ու պետական մարմինները դանդաղ են, քանի որ կառավարության գործառույթներից մեկն է դանդաղ լինելը։ Այդ մասին ՀՀ կառավարության նիստի ժամանակ ասաց ՀՀ վարչապետ Նիկոլ Փաշինյանը` նշելով, որ այդ մասին ցույց են տվել իր կողմից արված հետազոտության արդյունքները։

«Շատ կարևոր է, որ դանդաղության մեջ մենք լինենք արագ։ Միաժամանակ պետք է հիշել, որ կառավարությունը պետք է լինի դանդաղ, քանի որ կառավարությունն այն մարմինն է, որ պետք է 7 չափի, մեկ կտրի»,– հայտարարեց վարչապետը։

Նա շատ տպավորված է Էստոնիայի պետական կառավարման համակարգից, որտեղ վերջերս մեկնել էր պաշտոնական այցով։ Ըստ նրա` Էստոնիայում ծրագրերը պլանավորում են 6 ամսից մեկ տարի ժամանակահատվածով, իսկ մեզ մոտ որոշումները կառավարություն են բերվում 2 շաբաթ առաջ։

«Օրինակ` մեզ մոտ պլանավորում ենք, որ 6 ամսից պետք է որոշումն իրականացնենք, սակայն այդ որոշումը տանում ենք համայնք ու ասում ենք` դե շուտ արա, 3-4 օրում պիտի անես։ Այդպես չի լինում, ընթացակարգ կա։ Այսինքն, եթե մենք ցանկանում ենք, որ դա ժամանակին արվի, դա պետք է պլանավորվի ոչ թե մեկ շաբաթ առաջ, այլ երկու տարի առաջ։ Մինչդեռ գալիս է, օրինակ, բիզնեսն ու ասում է` դե, ուշանում եմ, քշի, սակայն ասում ես` մի րոպե, եղբա՛յր, սա տաքսի չէ, սա ավտոբուս է, քանի որ այն ունի իր երթուղին, արագության ստանդարտը, անվտանգության յուրահատուկ կանոնները, կանգառներ, որտեղ նա պետք է կանգնի։

Հնարավոր չէ բարձրանալ ավտոբուս ու տաքսու տեմպով առաջ գնալ, քանի որ կլինեն ուղևորներ, որոնք կանգառներում պետք է իջնեն, ու արդյունքում պետք է առնվազն պատուհաններից դուրս թռնեն կամ միջադեպեր լինեն ավտոբուսի վարորդի հետ։ Ավտոբուսը պետք է արագ լինի ավտոբուսի ստանդարտով»,– այլաբանորեն բացատրեց Փաշինյանը։

Ըստ նրա` այս տեմպերով մենք պետություն չենք դառնա, քանի որ անգամ երթևեկության կանոնը վերաբերում է նրան, ով «կրուտոյ» չէ:

Ակտիվիստ Արթուր Չախոյանին Նոր Նորքի վարչական շրջանի ղեկավարի և աշխատակիցների կողմից ծեծի ենթարկելու վերաբերյալ տեսանյութի հրապարակումից անմիջապես հետո համայնքային ոստիկանության Նոր Նորքի բաժնի ծառայողները ժամանել են թաղապետերանի շենք:

«Տեսանյութին ծանոթ ենք, այս պահին ոստիկանության Նոր Նորքի բաժնի ծառայողները տեղում ծառայություն են իրականացնում։ Լրացուցիչ տեղեկատվություն կտրամադրվի»,- հայտնել են ոստիկանությունից:

Նշենք, որ ոստիկանները թաղապետարանի շենքից բերման ենթարկեցին Արթուր Չախոյանին: Ոստիկանական պաշտոնյան չհայտնեց, թե ինչու են միայն Չախոյանին բերման ենթարկում, իսկ մյուս պաշտոնյաններին՝ մասնավորապես, ծեծի մասնակից թաղապետ Տիգրան Տեր-Մարգարյանին՝ ոչ։

«Մինչև վերջ գնալու եմ»,- ոստիկանական մեքենայից հայտարարեց ակտիվիստը։

Նշենք, որ Արթուր Չախոյանի աչքին կապտուկ կար:

Հիշեցնենք, որ նախօրեին Արթուր Չախոյանն ու Երեւանի ավագանու «Մայր Հայաստան» խմբակցության անդամ Մեսրոպ Մանուկյանը հայհոյախառն ակցիա էին իրականացրել թաղապետարանում: Նրանք հայտարարեցին, որ սա պատասխանն է նրա, որ թաղապետ Տիգրան Տեր-Մարգարյանը հեռախոսով հայհոյել էր իրենց:

Ավելի ուշ Տիգրան Տեր-Մարգարյանը նշել էր, որ լավ է արել, որ հայոհոյել է: