«Փաստ» թերթը գրում է. «Երեկ Նիկոլ Փաշինյանն այլևս անկարող եղավ թաքցնել իշխանությունը կորցնելու և հայ ժողովրդի առջև պատասխան տալու իր սարսափները: Նախ՝ խորհրդարանում սկսեց անկանոն գոռգոռալ, ջղաձիգ շարժումներ անել, իսկ նիստերի դահլիճ մտնելիս անընդհատ անհանգիստ շուրջբոլորն էր նայում: Հետո նա նիստի ժամանակ բախում սադրեց պատգամավորների միջև:

Ընդ որում՝ այդ ամենը, բնականաբար, նա անում էր հազարավոր ոստիկաններով շրջափակված խորհրդարանում: Նա Բաղրամյան ու Դեմիրճյան փողոցներն էր լցրել ոստիկաններ նաև մարզերից՝ ըստ էության տեղերում գրեթե ոստիկան չթողնելով:

Ավելին, լրատվամիջոցները կադրեր հրապարակեցին, որ մինչ ԱԺ նիստը սկսելը թիկնապահները հատ-հատ ստուգում էին բոլոր նստարանները, ժամեր շարունակ ուժայինները շրջափակել էին նիստերի դահլիճը, նույնիսկ պատգամավորների առանձնասենյակները: Մի խոսքով, խորհրդարանի տարածքն էլ էին լցրել անվտանգության աշխատակիցներով: Հետո եղավ այն, ինչ օրեր շարունակ զգուշացնում էին թե՛ քաղաքական գործիչները, թե՛ փորձագետները, թե՛ լրատվամիջոցները:

Նրա ուղիղ հրահանգով ոստիկանները վայրագորեն հարձակվեցին հայ ժողովրդի վրա, ինչի արդյունքում կան բազմաթիվ վիրավորներ, այդ թվում՝ լրագրողների շարքում: Նիկոլ Փաշինյանին հաջողվեց հերթական անգամ հայի արյուն թափել, իսկ ինքը պարզապես ճողոպրեց Ազգային ժողովից: Ո՛չ հայի արյուն թափելու, ո՛չ ճողոպրելու առումով սա նրա կյանքի առաջին դեպքը չէ: Մեղմ ասած՝ առաջինը չէ… Մնում է հասկանալ՝ մինչև երբ է հաջողվելու ոստիկանության թիկունքում թաքնվել…»։

Հրանտ Բագրատյանը գրում է. «Բան չեմ հասկանում։ Երեկ ԱԺ ամբիոնից Նիկոլ Փաշինյանը հայտարարեց, որ ՀՀ-ն երբեք էլ ԼՂ-ն չի գցել, կողքին է եղել մինչև վերջ ու մոտ 1 մլրդ դոլարի օգնություն տվել։

Ումի՞ց վախենան, վախկոտի՞ց. Բագրատ սրբազանի հետ եմ, նրա կողքին եմ. Միքայել սրբազան

Ս.թ. հունիսի 12-ին Բաղրամյան-Դեմիրճյան խաչմերուկում ոստիկանական ուժերի կողմից հատուկ միջոցների 20-ից ավելի կիրառման արդյունքում շուրջ 100 խաղաղ ցուցարարներ և իրենց մասնագիտական գործունեությունն իրականացնող լրագրողներ, ստացել են տարբեր աստիճանի մարմնական վնասվածքներ։

Ոստիկանության կողմից հատուկ միջոցների կիրառումը տեղի է ունեցել առանց նախազգուշացման, իսկ լուսաձայնային նռնակները նետվել են ցուցարարների այն հատվածում, որտեղ եղել են մանկահասակ երեխաներ և կանայք, վիրավորներին օգնություն ցուցաբերող քաղաքացիներ։ Նետված լուսաձայնային նռնակներից մեկի հետևանքով քաղաքացիներից մեկի դաստակն ամպուտացվել է։

Ոստիկանության նման բիրտ և ոչ իրավաչափ գործելաոճը որևէ կերպ չի համադրվում ժողովրդավարության ընդունված նորմերի հետ։ Այս գործողությունների լիիրավ պատասխանատուն Հայաստանի Հանրապետության վարչապետի աթոռին կառչած Նիկոլ Փաշինյանն է։

Խաղաղ հայրենասերների հանդեպ վայրագ ուժի, հատուկ միջոցների կիրառումը, վահաններով ու մահակներով ցուցարարներին հարվածելը, առևանգելը ևս մեկ անգամ ապացուցում են, որ իշխանության ղեկին հայտնված և ժողովրդի վստահությունը սպառած արկածախնդիրը պատրաստ է ուժի կիրառմամբ անել ամենը՝ սեփական իշխանությունը պահելու համար։ Սա է Նիկոլ Փաշինյանի ժողովրդավարության պատկերը։ «Ժողովրդավարության բաստիոնում» սեփական ժողովրդի հանդեպ վայրագ ուժ կիրառող ռեժիմը ևս մեկ անգամ հաստատեց, որ կորցրել է իր լեգիտիմությունը, իսկ իր միակ հենարանը ոստիկանական ուժերն են։

Հայաստանի Հանրապետական կուսակցությունը խստորեն դատապարտում է ոստիկանական ուժերի բռնարարքները խաղաղ ցուցարարների հանդեպ և կոչ անում չդառնալ կապիտուլյանտ իշխանությունների գրպանային կամակատարը։ Միաժամանակ Հայաստանի Հանրապետական կուսակցությունը վերահաստատում է, որ Հայաստանի պետականության փլուզումը կանխելու միակ ելքը Հայաստանի կառավարչի անհապաղ հրաժարականն է։

Հայաստանի Հանրապետական կուսակցությունը կոչ է անում նաև բոլոր միջազգային կազմակերպություններին և Հայաստանի Հանրապետությունում հավատարմագրված դեսպաններին ուշադրություն դարձնել մեր երկրում ժողովրդավարության, հավաքների ու կարծիքի ազատ արտահայտման իրավունքների այս կոպտագույն խախտումներին և հանդես գալ համապատասպան գնահատականով։

Ազգային-ժողովրդավարական Բևեռի խորհուրդը հայտարարություն է տարածել.

«Հունիսի 12-ին Ազգային ժողովի մոտ Նիկոլ Փաշինյանի հրաժարականը պահանջող «Տավուշը հանուն հայրենիքի» շարժման մասնակիցների խաղաղ անհնազանդության գործողությունների ժամանակ ոստիկանության հրահրած մի շարք սադրանքների արդյունքում ծագած մասնակի բախումից հետո ոստիկանությունը լուսաձայնային նռնակներ կիրառեց թե´ բախման անմիջական վայրի, թե դրանից բավականին հեռու գտնվող բազմահազար ցուցարարների ուղղությամբ, որի հետեւանքով բուժօգնության է դիմել 101 տուժած քաղաքացի և մոտ 100 հոգի բերման է ենթարկվել։ 

Տուժածների թվում կան նաեւ ԶԼՄ-ների ներկայացուցիչներ։

Խաղաղ անհնազանդության գործողություններ իրականացնող քաղաքացիների նկատմամբ կատարվածը գնահատում ենք ահաբեկչական գործողություն, որը ոստիկանության կողմից  իրականացվել է Նիկոլ Փաշինյանի անմիջական հրահանգով, և որի նպատակն է վախեցնել եւ հետ կանգնեցնել ժողովրդին Փաշինյանի հրաժարականի պահանջից, իսկ ԶԼՄ-ների ներկայացուցիչներին` ազատ խոսքի  իրենց  իրավունքները իրականացնելուց։

Կոչ ենք անում միջազգային իրավապաշտպան կազմակերպություններին, այդ թվում` ՄԱԿ-ին, Եվրոպայի խորհրդին, Amnesty International եւ Human Rights Watch և այլ կազմակերպությունների` խստորեն դատապարտել պետական ահաբեկչության տվյալ գործողությունը»:

Մարտի 1-ը և երեկվա արյունը Փաշինյանի ձեռքին է, նա է հրահրում, իշխանությունից թանկ բան չունի

«Բառերներդ չափավորեք, ոնց թե խուլիգա՞ն ենք, ձեզանից ա սկսում». «Մեզնից չի սկսում». լարված իրավիճակ

Պտի իրան «բագաժնիկը» գցեն, ծնկաչոք գա Սրբազանի առաջ ու մեղքերի թողություն խնդրի. Ղազարյան. Տեսանյութ

Ուղիղ միացում | LIVE

Բագրատ Սրբազանը քաղաքացիների հետ կառավարության դիմաց է

#ՀԻՄԱ

Ուղիղ միացում | LIVE

Վարչապետ գոյություն չունի, ԱԺ գնանք ինչ անենք, այնտեղ բոլորը ոչնչացել են․ Բագրատ Սրբազան

#ՀԻՄԱ