ArmNews
Selfies labore, leggings cupidatat sunt taxidermy umami fanny pack typewriter hoodie art party voluptate. Listicle meditation paleo, drinking vinegar sint direct trade.
Դերբենտում և Մախաչկալայում ահաբեկչական հարձակման հետևանքով զոհերի թիվը հասել է 20-ի։ Զոհերի թվում 17 իրավապահ կա։ Այս մասին հայտնում է 112 թելեգրամյան ալիքը։
Ըստ վերջին տվյալների՝ տուժել է 44 մարդ, այդ թվում՝ 37 իրավապահ։
Հակաահաբեկչական գործողություններն ավարտվել են։
Սպանվել է նաև 5 ահաբեկիչ։
Ինչպես աելի վաղ հայտնել էինք, Դաղստանում եռօրյա սուգ է հայտարարվել։
Մեդիափորձագետ Տիգրան Քոչարյանը ֆեյսբուքյան իր էջում գրում է. «Պարզվում ա՝ անհաշտ ընդդիմադիր Սուրեն Պետրոսյանը, ով բացառում է նախկինների ներկայությունն ու դեմ է պարլամենտական ընդդիմության վերարտադրվելուն, տասը տարի առաջ ՀՀԿ երիտասարդական թևի գերակտիվ կադր էր։
Ինչն իր կենսագրությունից ակտիվ թաքցնում է (առնվազն Վիքիպեդիայի հոդվածում, որն ինքն է գրել տվել, քանի որ ուրիշ ոչ մեկին նա հետաքրքիր չէր)։
Հիմա Սուրեն, նախկինը ո՞վ ա։ Տասը տարի առաջ, որ ՀՀԿ շնորհիվ, և միգուցե հաշվին, Եվրոպաներով տարբեր սեմինարներին մասնակցում էիր, ամեն ինչ օկ էր։
Բա հիմա գևորգպապոյանի հայացքները հագել ես ու դեմ ես ՀՀԿ-ին ու «Պատիվ ունեմ»-ի վերարտադրմանը։
Բա սազե՞ց։
Այսօրվանից հետո ամենախիստ քննադատության եմ արժանացնելու յուրաքանչյուր ընդդիմադիր հոսանքին, որտեղ նա հայտվելու է։
Ավելին, ինձ համար հարցեր կառաջացնեն ընդդիմադիրները, ովքեր փորձելու են պաշտպանել այս պապոյան-մարուքյանի ասածները ու արածները։
Հ.Գ. Հոգնել եմ էս նախկինացավով տառապող նախկիններից։
Եվ վերջ»:
Բաքվի Շուվելան բնակավայրում զինված հարձակում է տեղի ունեցել։ Սպանվել է 3 ոստիկան, 1 քաղաքացիական անձ, գրում են ադրբեջանական լրատվամիջոցները։
Նշվում է, որ հարձակում գործած անձը՝ Ռովշան Ալլահվերդիևը, վնասազերծվել է ոստիկանության աշխատակիցների կողմից։
Ադրբեջանագետ Տաթևիկ Հայրապետյանի թելեգրամյան գրառումը․ «Ադրբեջանի ամենակարկառուն քարոզչական կայքերից մեկը, որն ուղղորդվում է հենց Ադրբեջանի ՊՆ-ի կողմից իր X-ի էջում տեղադրել է Փաշինյանի ու նրա տիկնոջ հետևյալ տեսանյութը և գրել․ «Եվ թող ողջ աշխարհը սպասի։
Այսպես կարելի է վերնագրել ՀՀ վարչապետ Նիկոլ Փաշինյանի կնոջ՝ Աննա Հակոբյանի տարածած տեսանյութը։
Աշխարհը կարող է սպասել, բայց Ադրբեջանը դեռ երկար չի հանդուրժի իր դիրքերի ուղղությամբ գրեթե ամենօրյա գնդակոծությունն ու հայկական կողմի սադրանքները»։
Ինչ խոսք, սա ուղիղ սպառնալիք է՝ առանց ավելորդ երկակիության, բայց եկեք շարունակենք հեծանիվ քշել ու չորս սյուն տեղադրելով խոստանալ «խաղաղության դարաշրջանի» բացում»։
Rate.am-ում հունիսի 24-ի ներկայացված տարադրամի փոխարժեքներն են.
ԱՄՆ դոլարի առքի միջին արժեք է սահմանվել 385.66 դրամը, վաճառքի միջին արժեք 391.61 դրամը:
Եվրոյի առքի միջին արժեք է սահմանվել 408.83 դրամը, վաճառքի միջին արժեք՝ 422.38 դրամը:
Ռուսական ռուբլու առքի միջին արժեք է սահմանվել 4.10 դրամը, վաճառքի միջին արժեք՝ 4.68 դրամը:
Հիսուս Քրիստոսի Պայծառակերպության տոնը կամ Վադավառը Հայ Եկեղեցու հինգ տաղավար տոներից երրորդն է:
Հիսուս Քրիստոսը, համաձայն Ավետարանի, Ս. Պետրոս, Ս. Հակոբոս և Ս. Հովհաննես առաքյալների հետ բարձրանում է Թաբոր լեռն` աղոթելու:
Աղոթքի պահին Հիսուս նրանց առաջ պայծառակերպվում է. «Դեմքը փայլեց, ինչպես արեգակը. և Նրա զգեստները դարձան սպիտակ` ինչպես լույսը» (Մատթեոս 17:2, Մարկոս 9:2, Ղուկաս 9:29): Աշակերտների ապշած աչքերի առջև Քրիստոս խոսում է շուրջ հազար տարի առաջ վախճանված Մովսեսի և հրեղեն կառքով երկինք համբարձված Ս. Եղիա մարգարեի հետ:
Այս տարի այն կնշվի հուլիսի 7-ին։
Այս տոնը հայտնի է նաև Վարդավառ անունով:
Տոնի ժամանակ ժողովրդական սովորույթներից է միմյանց վրա ջուր ցողելն ու աղավնիներ բաց թողնելը, որոնք խորհրդանշում են ջրհեղեղը, Նոյի ընտանիքի փրկությունը, Նոյի աղավնուն: Սովորություն է նաև ծաղիկներով զարդարվելը, ինչն Աստվածորդու փառքի երևման առթիվ մեծ ուրախության արտահայտություն է:
«Վարդավառ» ժողովրդական անվանումը, հավանաբար, գալիս է վարդաջուր լցնելու սովորությունից: Ս. Գրիգոր Տաթևացին տոնի «Վարդավառ» անունը բացատրում է Հիսուսին վարդի հետ համեմատելով. ինչպես վարդը մինչև բացվելը թաքնված է իր պատյանի մեջ և բացվելով` երևում է բոլորին, այնպես էլ Հիսուս մինչև այլակերպությունն Իր մեջ կրում էր աստվածային էությունը և պայծառակերպվելով` հայտնեց Իր Աստվածությունը:
Վարդավառի տոնին նախորդում է շաբաթապահք: Իսկ հաջորդ օրն, ինչպես տաղավար բոլոր տոներից հետո, Մեռելոց է. բոլոր եկեղեցիներում ննջեցյալների հոգիների համար մատուցվում է Ս. Պատարագ և կատարվում հոգեհանգիստ: Պայծառակերպության տոնով հաստատվեց այն ճշմարտությունը, որ Հիսուս Աստծո Որդին է: Աստծո պատգամն է առաքյալներին և ողջ աշխարհին. «Նրան լսեցեք»:
Ռուսաստանի Դաշնության սուբյեկտ Դաղստանում երկու զինյալ է ոչնչացվել, ուժայինների աշխատանքը շարունակվում է, հայտնում է ՆԳՆ Դաղստանի գլխավոր վարչության մամուլի ծառայության ղեկավար Գայանա Գարիևան:
«Երկու զինյալ ոչնչացվել է։ Ուժայինների աշխատանքը շարունակվում է։ Քաղաքը շրջափակված է իրավապահների կողմից»,- ասել է Գարիևան՝ չմանրամասնելով, թե կոնկրետ որ քաղաքի մասին է խոսքը։
Ինչպես տեղեկացնում է «ՌԻԱ Նովոստի»-ն, նա նաև հայտնել է, որ բախում է տեղի ունենում Մախաչկալայի Օրջոնիկիձե փողոցում, այնտեղ այրվում է պարեկների մեքենան, քաղաքացիներին կոչ է արվում դուրս չգալ փողոց:
«Մախաչկալայի Օրջոնիկիձե փողոցում հրկիզվել է պարեկային ավտոմեքենա։ Թախանձագին խնդրանք բնակիչներին, մնացեք տանը, դուրս մի եկեք առանց հրատապ անհրաժեշտության»,- հայտնել Է Գարիևան։
Ավելի վաղ նա տեղեկացրել էր, որ անհայտ անձինք ավտոմատ զենքից կրակել են Դաղստանի Դերբենտ քաղաքի սինագոգի և եկեղեցու վրա:
«Դաղստանի ՆԳՆ հերթապահ վարչության տվյալներով՝ մոտավորապես ժամը 18:00-ին (Երևանի ժամանակով՝ 19։00-ին) Դերբենտում անհայտ անձինք ավտոմատ զենքից կրակել են սինագոգի և եկեղեցու վրա»,- ասել էր նա։
Ըստ նախնական տեղեկությունների՝ հարձակման հետևանքով մեկ ոստիկան է զոհվել, ևս մեկը՝ վիրավորվել։ Նաև եկեղեցու հոգևորական է զոհվել։ Կասկածյալները փախուստի են դիմել սպիտակ «Volkswagen Polo» մակնիշի 921 պետհամարանիշի ավտոմեքենայով։
Դեպքի վայր են մեկնել Քննչական կոմիտեի աշխատակիցները՝ պարզելու դեպքի բոլոր հանգամանքները։
Գրեթե միաժամանակ Դաղստանի մայրաքաղաք Մախաչկալայում անհայտ անձինք հարձակվել են Երմոշկինի փողոցում գտնվող ճանապարհային ոստիկանության բաժանմունքի վրա։
Ներքին գործերի նախարարության տվյալներով՝ զոհվել է մեկ ոստիկան, ևս վեցը՝ վիրավորվել։ Նախնական տվյալներով խաղաղ բնակչության շրջանում զոհեր և վիրավորներ չկան։
Հարձակվողներին ինքնությունը պարզվում է։
Դաղստանում հակաահաբեկչական գործողության ռեժիմ է սահմանվել, և այժմ միջոցներ են ձեռնարկվում եկեղեցու և սինագոգի վրա կրակած գրոհայիններին չեզոքացնելու համար։
Այս մասին հայտնում է ՏԱՍՍ-ը՝ վկայակոչելով Ազգային հակաահաբեկչական կոմիտեի (ԱՀԿ) տեղեկատվական կենտրոնի աղբյուրներին։
«Քաղաքացիների անվտանգությունն ապահովելու, ահաբեկչական հանցագործությունները կասեցնելու և զինված հարձակման մեջ ներգրավված անձանց ձերբակալման նպատակով Դաղստանի Հանրապետության ՌԴ ԱԴԾ վարչության պետը որոշել է հակաահաբեկչական գործողություն իրականացնել և ՀԱԳ իրավական ռեժիմ սահմանել», - ասված է ԱՀԿ-ի հայտարարության մեջ:
Այժմ աշխատանքներ են տարվում զինված անձանց որոնելու և վնասազերծելու ուղղությամբ, որոնք կրակել են Մախաչկալայի և Դերբենտի եկեղեցիների և սինագոգի շենքերի վրա։
ԱՄՆ-ն է պատասխանատու Սևաստոպոլի լողափում կանխամտածված հրթիռային հարձակման համար. ՌԴ ՊՆ
Հունիսի 23, 2024Վաշինգտոնը պատասխանատու է Սևաստոպոլում խաղաղ բնակիչների վրա հրթիռային հարձակման համար, քանի որ ամերիկյան ATACMS հրթիռների բոլոր թռիչքները մուտք են արվում ամերիկյան մասնագետների կողմից: Այս մասին հայտարարել է ՌԴ պաշտպանության նախարարությունը։
«Ամերիկյան ATACMS օպերատիվ-մարտավարական հրթիռների թռիչքային առաքելությունները մուտքագրվում են ամերիկացի մասնագետների կողմից՝ հիմնվելով ԱՄՆ արբանյակային հետախուզության տվյալների վրա, ուստի Սևաստոպոլում խաղաղ բնակչության վրա կանխամտածված հրթիռային հարձակման պատասխանատվությունն առաջին հերթին կրում է Վաշինգտոնը»:
ՌԴ ռազմական գերատեսչությունն ընդգծել է, որ նման գործողություններն անպատասխան չեն մնա։
Հունիսի 23-ին Մոսկվայի ժամանակով ժամը 12:15-ին կանխամտածված ահաբեկչություն է իրականացվել Սևաստոպոլ քաղաքի վրա ամերիկյան հինգ օպերատիվ-մարտավարական ATACMS հրթիռներով՝ հագեցած կասետային մարտագլխիկներով։ Հրթիռային հարձակումը հետ մղելիս ռուսական հակաօդային պաշտպանությունը որսացել է չորս հրթիռ։ Հինգերորդ ամերիկյան հրթիռի բեկորային մարտագլխիկի պայթյունն օդում հանգեցրել է բազմաթիվ զոհերի Սևաստոպոլի խաղաղ բնակիչների շրջանում։ Ռուսաստանի Դաշնության առողջապահության նախարարության տվյալներով՝ տուժել և տարբեր ծանրության վիրավորում է ստացել 124 մարդ, որոնցից 27-ը երեխաներ են։ Զոհվածների թվում 2 երեխա կա։
Իրանի ԿԲ-ն հայտարարել Է ՌԴ-ի հետ գործարքներում օֆշորային ռիալի մոտալուտ գործարկման մասին
Հունիսի 23, 2024Իրանը մշակում է օֆշորային ռիալի (Իրանի դրամական միավոր) գաղափարը, որը նախատեսում է շուտով գործի դնել Ռուսաստանի հետ ֆինանսական գործարքներում:
Թվային ռիալը հանրային շրջանառության մեջ դնելու նախագծի բացման ժամանակ հայտարարել է Իրանի Կենտրոնական բանկի ղեկավար Մոհամմադ Ֆարզինը:
Տեղեկությունը հայտնում է ՌԻԱ Նովոստին։
Ֆոտո
