Бросьте меня к волкам,и я вернусь вожаком стаи!

Շնորհակալ եմ, բոլորին ովքեր իմ բանտարկության մեկ տարին համարեցին իրենցը:

Առաջին հերթին հարազատներիս՝ նաև նրանցից ներողություն եմ խնդրում, որ զրկանքների ակամա մասնակից դարձրեցի:

Չնայած լուսանկարում տեսնում եք թե ինչպես է հայրս բանտի դռների մոտ ինձ օրհնում: Իմ գործունեության հայրական օրհնությունը ինձ դարձնում է անհաղթության աստիճանի ուժեղ: Շնորհակալ եմ փաստաբաններին, ովքեր մեկ տարի ամեն օր անհավասար կռիվ տվեցին դատարաններում: Դուք իմ եղբայրներն եք: Շնորհակալ եմ ՎԵՏՕ-ի իմ սիրելի թիմին: Նրանք հերոսներ են:

Շնորհակալ եմ իմ դեմ ապօրինի հետապնդմանը ու բանտարկությանը թեկուզ մեկ անգամ անդրադարձած ԶԼՄ-ներին, խմբագիրներին ու լրագրողներին, անհատներին: Շնորհակալ եմ իմ «դատավարության»ը ներկա յուրաքանչյուրին:

Շնորհակալ եմ ինձ բանտում այցելած պատգամավորներին՝ հատկապես Հայկ Մամիջանյանին և Աղվան Վարդանյանին:

Անշուշտ այս ընթացքում կորուստները շատ էին: Երբ մեկ տարի առաջ իշխանությանը քննադատելու համար ինձ բանտարկեցին մենք ունեինք Արցախ: Մեկ տարի անց Արցախը չկա, փոխարենը կան Արցախի մասին «зайка моя, я твой зайчик» երգեր, որոնք մոսկովյան ու լոսանջելեսյան «հայրենասիրական» կորպորատիվներին լավ փող կբերեն:

Հայկական պետականության մասին դեռ կխոսեմ: Առայժմ այսքանը, իսկ այսօր բավարարվեմ հայտարարելով , որ վերադառնում եմ կռվի առաջին շարքեր, իսկ ես ինչպես արդեն տեսել եք՝ կռվում եմ անխնա:

Նարեկ Մալյան

Իրանի արտգործնախարարության խոսնակ Նասեր Քանանին հայտարարել է, որ իսրայելցի պաշտոնյաների ճակատագիրը կլինի նույնը, ինչ «հանցագործ Սադամի՝ Իրաքի նախկին բռնապետի ճակատագիրը»։

«Վերջին երկար տարիների ընթացքում տարածաշրջանում դիմադրությունը բազմաթիվ փոթորիկներ է դիմակայել»,- կիրակի օրը X սոցիալական ցանցի իր միկրոբլոգում գրել է Քանանին, հայտարարելով, որ «Դիմադրության շարժումների կայունությունն ու աճող ուժը միշտ զարմացրել են թշնամիներին»:

«Չնայած այս մեծ մարդկանց նահատակությանը, սիոնիստական ​​ռեժիմը, Միացյալ Նահանգները և նրա կողմնակիցները երբեք չեն հասնի իրենց նենգ նպատակներին», - ասել է Քանանին:

«Այսօր Իսրայելի հանցավոր ռեժիմից սուրբ պաշտպանությունն իրականացվում է տարածաշրջանային մակարդակով նոր մասշտաբով և աշխարհագրությամբ։ Իհարկե, այս հանցագործների ճակատագիրը ոչնչով չի տարբերվի հանցագործ Սադամի ճակատագրից»,- հավելել է նա։

1980 թվականի սեպտեմբերի 22-ին իրաքյան զորքերը Սադամ Հուսեյնի գլխավորությամբ ներխուժեցին Իրան։ Պատերազմը տևեց մինչև 1988 թ.-ը։

Սադամ Հուսեյնը մահապատժի է ենթարկվել 2006 թվականի դեկտեմբերի 30-ին՝ Իրաքում ժամանակավոր կառավարության իշխանության գալուց հետո:

Ֆրանսիան ու Մակրոնը ոչ թե Փաշինյանին, այլ Հայաստանի պետականությանն են աջակցում.

Մուրադ Փափազյան

Տեսանյութ

Լավ չի, որ իմ տղան այս իշխանության հետ է աշխատում.

Կիմ Բալայան

Տեսանյութ

Իրավապահները կանգնեցնում են քաղաքացիներին ու խոչընդոտում նրանց երթը դեպի Համալիր.

Աննա Մկրտչյան

Տեսանյութ

Հարյուր հազարավոր մարդիկ ապաստան են փնտրում կիրակի օրը Լիբանանից Իսրայելի հյուսիս արձակված «Հեզբոլլահի» հրթիռներից, հայտնել են իսրայելական զինվորականները, մինչդեռ ՄԱԿ-ը զգուշացրել է բռնության սրման պատճառով   տարածաշրջանային անխուսափելի աղետի մասին, գրում է AFP-ն։

Ինչպես նշում է լրատվամիջոցը, Իսրայելը հասկացրել է, որ մտադիր է իր ուշադրության տակ առնել «Հեզբոլլահ» շարժումը՝ Գազայի հատվածում պատերազմի պատճառով գրեթե մեկ տարվա սահմանային գնդակոծություններից հետո։

Փոխգնդակոծությունները վերսկսվել են այն բանից հետո, երբ իսրայելական բանակը հայտնել է, որ տասնյակ իսրայելական ռազմական ինքնաթիռներ «զանգվածային» հարվածներ են հասցնում Լիբանանի հարավում գտնվող «Հեզբոլլահի» թիրախներին:

Իսրայելի ուրբաթ օրվա ավիահարվածի հետևանքով սպանվել է «Հեզբոլլահի» էլիտար ստորաբաժանման ղեկավար Իբրահիմ Աքիլը։

«Նկատի ունենլով, որ տարածաշրջանը անխուսափելի աղետի եզրին է, դժվար է գերագնահատել այն փաստը, որ չկա ռազմական լուծում, որը կողմերից որևէ մեկին ավելի անվտանգ կդարձնի», - X սոցիալական ցանցում հայտարարել է ՄԱԿ-ի Լիբանանի հարցերով հատուկ համակարգող Ժանին Հենիս-Պլասշարտը:

Լիբանանի առողջապահության նախարարությունը հայտնել է, Բեյրութի հարավում ուրբաթ օրը տեղի ունեցած հարձակման զոհերի թիվը հասել է 45-ի:

Իսրայելական բանակն, իր հերթին, հայտարարել է, որ ավելի քան 100 հրթիռ է արձակվել Լիբանանից կիրակի վաղ առավոտյան:

Կարեն Դեմիրճյանի անվան մարզահամերգային համալիրում մեկնարկել է «Սրբազան պայքար» շարժման կազմակերպած մեծ հավաքը:

Շարժման առաջնորդ Բագրատ Աքեպիսկոպոս Գալստանյանը ավելի վաղ հայտարարել էր, որ սա կարեւոր հավաք է եւ կոչ էր արել քաղաքական ուժերին բռունցքվել, համախմբվել:

Նա նաեւ ասել էր, որ այս հավաքով սկիզբ է դրվում պայքարի վճռական փուլին:

Երկիրը մաս-մաս հանձնում են, մի օր էլ դրոշը դնելու տեղ չենք ունենալու.

Դերասանուհի Ագնեսա Շահնազարյան

Մանրամասները՝ տեսանյութում

Հոկտեմբերի 26-ին կայանալիք ընտրություններում «Վրացական երազանք»-ի օգտին քվեարկելու դեպքում կստանաք երաշխիք, որ ոչ ոք չի կարողանա Վրաստանը ներքաշել պատերազմի մեջ, իսկ պատերազմական հանցագործները խստագույնս կպատժվեն. նման պնդմամբ է հանդես եկել «Վրացական երազանք»-ի, հիմնադիր, պատվավոր նախագահ Բիձինա Իվանիշվիլին՝ Ռուսթավիում կուսակցության նախընտրական քարոզարշավի տարածաշրջանային միջոցառման ժամանակ ելույթում։ Այս մասին հայտնում է 1tv.ge-ն:

«Այո՛, «Վրացական երազանք»-ը դա երաշխավորում է, քանի որ մենք միակ քաղաքական ուժն ենք, որը աշխարհաքաղաքական ամենաբարդ իրավիճակում, տարածաշրջանում շարունակվող ռազմական հակամարտությունների ֆոնին, անհավանական ջանքերի գնով երկրին բերեց 12 տարի շարունակական խաղաղություն: Թեև այս առումով դեռ շատ ռիսկեր և մարտահրավերներ կան, բայց ես ձեզ խոստանում եմ, որ անձամբ «Վրացական երազանք»-ի քաղաքական թիմի հետ ոչ մի գնով թույլ չեմ տա, որ Վրաստանում պատերազմ լինի և ռումբերի անձրև հորդա։ Խաղաղությունը կարևոր է նաև այն տեսանկյունից, որ հաշվի առնելով մեր շուրջը և ամբողջ աշխարհում տեղի ունեցող գլոբալ փոփոխությունները, կարծում ենք, որ մոտենում է ժամանակը, երբ մենք կիրականացնենք մեր վաղեմի երազանքը և կտեսնենք Վրաստանը խաղաղությամբ միավորված», - ասել է Իվանիշվիլին:

Ամերիկացի պաշտոնյաները հայտարարում են, որ ԱՄՆ նախագահ Ջո Բայդենի վարչակազմը «խիստ անհանգստացած է» Իսրայելի և Լիբանանի միջև լայնամասշտաբ պատերազմի վտանգով, գրում է Axios-ը։

Միևնույն ժամանակ, ինչպես նշում է ամերիկյան լրատվամիջոցը, Սպիտակ տունը հույս ունի օգտագործել Իսրայելի աճող ռազմական ճնշումը լիբանանյան «Հեզբոլլահ» շարժման վրա, որպեսզի դիվանագիտական ​​համաձայնության հասնի իսրայելա-լիբանանյան սահմանի երկու կողմերում խաղաղ բնակիչներին իրենց տները վերադարձնելու հարցում:

«Իսրայելն ու ԱՄՆ-ն միջոցներ են փնտրում «Հեզբոլլահն» ու ՀԱՄԱՍ-ը տարանջատելու համար: Չնայած Բայդենի վարչակազմի մի քանի ամսվա դիվանագիտական ​​ջանքերին, «Հեզբոլլահը» չի համաձայնվել որևէ համաձայնագրի, որը կդադարեցներ Իսրայելի հետ շարունակվող մարտերը մինչև Գազայում հրադադարի հասնելը: Շաբաթ օրը պատերազմի մտավախությունները շարունակեցին աճել, քանի որ Իսրայելի պաշտպանության բանակը հայտարարեց, որ «Հեզբոլլահը» պատրաստվում է անխուսափելի պատասխան տալ անցած շաբաթ Լիբանանում իրականացրած իսրայելական հարձակումներին: