«Հրապարակը» գրում է. «Բագրատ սրբազանի առաջնորդած շարժումը դարձել է Նիկոլ Փաշինյանի ոչ միայն քայլերի լեյտմոտիվը` թելադրողը, այլեւ՝ հոգեվիճակի։

Հինգշաբթի օրը՝ կուսակցական փակ նիստի ժամանակ, Նիկոլ Փաշինյանը «Լեոպոլդ կատվի արկածները» հայտնի մուլտֆիլմի հերոսին է հիշեցրել՝ հանդես գալով իրեն ոչ բնորոշ հանդարտությամբ եւ «Ребята, давайте жить дружно» ոճում։

Բանն այն է, որ քաղաքային խնդիրներին վերաբերող փակ նիստը բավականին բուռն ընթացք է ստացել, եւ ՔՊ-ական որոշ պատգամավորներ բզկտել են Երեւանի փոխքաղաքապետերին՝ դժգոհելով առկա խնդիրներից. քաղաքում խրամատներ հիշեցնող փոսերից սկսած, վերջացրած հանրային տրանսպորտով։

Նիկոլ Փաշինյանը, հրշեջի գործառույթ ստանձնած, մարել է բորբոքված կրքերը, խաղաղեցրել թիմակիցներին, որ՝ այո, կան խնդիրներ, բայց այնպես չէ, որ դրանք չեն լուծվում, խնդիրը միայն տեմպի, ժամկետների մեջ է, որոնք գուցե ոչ օբյեկտիվ պատճառներ ունեն։

ՔՊ-ական աղբյուրի կարծիքով՝ իրականում Փաշինյանն այս շրջանում մի խնդիր է լուծում` պահել թիմի միասնականությունը եւ ոչ մեկին չնեղացնել: Եթե ամիսներ առաջ լիներ նման խոսակցություն, նա ուսապարկերին ուղղակի քսի կտար Ավինյանի դեմ, կթողներ, որ իրար հոշոտեին, իսկ ինքը` հանդիսատեսի կարգավիճակ ընդունած, կհրճվեր այդ տեսարանով։

Ի դեպ, քաղաքապետ Տիգրան Ավինյանը չի մասնակցել նախաձեռնող խմբի նիստին` ինչ-որ միջոցառման մասնակցելու պատրվակով: Չնայած նիստը սկսվել է երեկոյան 7-ից հետո։»:

Քննիչները հեռացան ՀՀ-ում Արցախի ներկայացուցչությունից, նրանք փաստացի չառգրավեցին Արցախի նախագահին սպասարկող ծառայողական ավտոմեքենան, որը նախապես կապարակնքել էին։ Այդ մասին ասել է փաստաբան Ռոման Երիցյանը՝ մանրամասներ հայտնելով Արցախի նախագահ Սամվել Շահրամանյանի՝ ծառայողական ավտոմեքենան առգրավելու գործից․

«3֊4 ժամ տևած քննիչների գործողությունների արդյունքում քննիչները հասկացան, որ առանց վճռի չեն կարող մեքենան առգրավել։ ՔԿ քննիչները հեռացան` առանց մեքենան էվակուացնելու։ Մեքենայի վրայի կնիքները խոչընդոտ չեն կարող հանդիսանալ մեքենայի շահագործման համար»,- մանրամասնել է փաստաբանը։ 

Երիցյանը հայտնել է՝ ՔԿ-ի քննիչները նախապես իրենց հետ կապ էին հաստատում` առաջարկելով գոնե 2 օրով մեքենան փոխանցել, սակայն նրանց հստակ ցույց են տրվել օրենքի դրույթը, որով վճռի առկայությունը պարտադիր է գույքը առգրավելու համար։

Սրբազանի պատասխանը Էդմոն Մարուքյանին․

Մանրամասները՝ տեսանյութում․

Ալիևը նոր պահանջներ է դնում Փաշինյանի առաջ ու սպառնում

Մանրամասները՝ տեսանյութում

Վաղը՝ ամսի 8-ին, 12․30-ին կհավաքվենք Կարմիր խաչի գրասենյակի մոտ և կշարժվենք Վանաձոր։ Այդ մասին հայտարարել է «Տավուշը հանուն հայրենիքի» շարժման առաջնորդ Բագրատ Սրբազանը․

«Երեկոյան Սուրբ Աննա Եկեղոցու բակում հանդիպում չենք ունենա, այլ միանգամից կհանդիպենք կիրակի, 18․30-ին, ու հուսամ շատ բարի լուրերով»,- հայտնել է Սրբազանը։

Նիկոլ Փաշինյանն անում է այն, ինչ ասում է Սրբազանը, մնաց` մի բան անի.

Արսեն Գրիգորյան

Մարդիկ համաձայն չեն Նիկոլ Փաշինյանի վարած քաղաքականության հետ։ Անկախ այն հանգամանքից, թե ինչպիսի արդյունք կգրանցի Սրբազանի գլխավորած  Շարժումը, այն իր հետքն արդեն թողել է։ Այս մասին 24News-ի «Հետագիծ Նարեկ Գալստյանի հետ» հաղորդման ժամանակ ասել է պատմաբան, հրապարակախոս Կարպիս Փաշոյանը։ 

«Իշխանական պրոպագանդիստները երբ դեմքի լկտի արտահայտությամբ պնդում են, թե Շարժումը մարել է, նրանք չեն հասկանում, որ իրենք էլ են մաշվում, իրենց մարելն առնվազն ակնհայտ է։ Այս Շարժումը տարբերվում է բոլոր նախորդ քաղաքական նախաձեռնություններից․ քաղաքացիները տեսնում են՝ իրենց համար անընդունելի գործիչներ չկան, նոր մարդ է առաջնորդում Շարժումը», - իր խոսքում նշեց հրապարակախոսը։ 

Մանրամասները՝ տեսանյութում։

Իրավաբան Ռոբերտ Հայրապետյանը ֆեյսբուքյան իր էջում տարածել է այս լուսանկարները՝ գրելով. «Հանրությունը պետք է տեսնի՝ ովքեր են այդ ոստիկանները.

2024 թվականի մայիսի 28-ին՝ ժամը 14.30-ի սահմաններում Ն.Ս.Օ.Տ.Տ. Գարեգին Երկրորդ Ծայրագույն Պատրիարք և Ամենայն Հայոց Կաթողիկոսը Մայր Աթոռ Սուրբ Էջմիածնի մի խումբ միաբանների ուղեկցությամբ Գայանյանց տոնիառիթով մատուցված Ս. Պատարագի և Հանրապետական մաղթանքի ավարտից հետո այցելել է Սարդարապատի հուշահամալիր՝ Առաջին Հանրապետության մայիսյան հերոսամարտերում նահատակված քաջարի հայորդիների հոգիների հանգստության համար աղոթք բարձրացնելու համար։
Ամենայն Հայոց Կաթողիկոսի նման այցերը կրում են ավանդական բնույթ և կազմակերպվում են մշտապես։

Սարդարապատի հուշահամալիր հասնելուն պես Ոստիկանության տասնյակ ծառայողներ, ստեղծելով արգելքներ, առանց պատճառներ նշելու Ամենայն Հայոց Կաթողիկոսին և հոգևոր դասին թույլ չեն տվել մուտք գործել հուշահամալիրի տարածք ու սահմանափակել են ազատ տեղաշարժը։

Մայր Աթոռի հարցմանն ի պատասխան` Ոստիկանությունը միայն նախապես փոխանցել է, որ ՀՀ Կառավարության ղեկավարի այցը նախատեսված է 2024թ. մայիսի 28-ին՝ առավոտյան ժամը 10-11-ի սահմաններում։ Վստահ լինելով փոխանցված տեղեկատվության ճշգրտությանը՝ Ամենայն Հայոց ԿաթողիկոսըՍարդարապատի հուշահամալիր է այցելելմայիսի 28-ին՝ ժամը 14։30-ի սահմաններում:

Մայր Աթոռը հաշվի է առել նաև «Պետական արարողակարգի մասին» ՀՀ օրենքը, որն ունի նաև կարգավորումներ Ամենայն Հայոց Կաթողիկոսի վերաբերյալ։ Ամենայն Հայոց Կաթողիկոսն ունի հատուկ կարգավիճակ։

Սարդարապատի հուշահամալիրի մոտ ոստիկանները Ամենայն Հայոց Կաթողիկոսին և հոգևորականներին թույլ չեն տվել մեքենայով մուտք գործել հուշահամալիրի կայանատեղի։ Վեհափառ Հայրապետն ու մյուս հոգևորականները ստիպված են եղել ոտքով անցնել նշյալ տարածքը ևհանդիպել են իրենց տեղաշարժն արգելափակած Ոստիկանության ծառայողների շարքերի:

Ոստիկանության ծառայողներն գրեթե անմիջապես սկսել են հրել և քաշքշել հոգևորականներին, բղավել և խոչնդոտել նրանց տեղաշարժը դեպի հուշահամալիր։ Հոգևորականների նկատմամբ նաև գործադրվել է բռնություն։ Մասնավորապես, քաշքշելու ժամանակ հարված է հասցվել Արցախի թեմի առաջնորդ Տեր Վրթանես եպիսկոպոս Աբրահամյանին, պոկել են նրա պանակեն (Աստվածամոր սրբապատկերով եպիսկոպոսական տարբերանշան)՝ քաշքշելով հոգևոր հայրերին, դրսևորելով անհարգալից վերաբերմունք Ամենայն Հայոց Կաթողիկոս Գարեգին Երկրորդի և հոգևոր հայրերի նկատմամբ։

Հոգևորականները նկատել են, որ իրենց նկատմամբ Ոստիկանության արարքները համակարգում էին քաղաքացիական հագուստով անձինք, ովքեր, ինչպես հետագայում հրապարակվեցին մամուլում, Կառավարության ղեկավարին ենթակա Պետական պահպանության ծառայության աշխատակից են։ Ընդ որում, նրանցից մեկն առանձնացել է տեղում Ոստիկանության նոր ուժեր ներգրավելու ոստիկանների տված«հանձնարարականներով»։ Հարց է առաջանում՝ ի՞նչ իրավասություն ունի այս ծառայության աշխատակիցը համակարգելու նման անօրինական ու իրավունքները ոտնահարող արարքներ։

Այսինքն՝ տեղի ունեցածը եղել է գիտակցված ակտ, որը անմիջապես արդարացրել են նաև Կառավարության ղեկավարը և Ազգային ժողովի «Քաղաքացիական պայմանագիր» կառավարող խմբակցության տարբեր պատգամավորներ՝ տարածելով իրականությանն ակնհայտ չհամապատասխանող տեղեկություններ, թե Ամենայն Հայոց Կաթողիկոսը Սարդարապատի հուշահամալիր է գնացել սադրանքի նպատակով։ Այսինքն՝ Ոստիկանության և Կառավարության ղեկավարին ենթակա Պետական պահպանության ծառայության աշխատակիցների նկարագրված անօրինական արարքները ստացել են քաղաքական հովանավորություն։

Խնդրում ենք հանրությանը, բոլոր այն քաղաքացիներին, որոնք կճանաչեն այս լուսանկարնեում նշված ոստիկաններին, նրանց անուն-ազգանունները հրապարակել: Հանրությունը պետք է տեսնի՝ ովքեր են այդ ոստիկանները»:

Հերիք է մեզ սպառնանք.

Ալեն Սիմոնյանը՝ ՌԴ փոխարտգործնախարարին