Rate.am-ում հունիսի 8-ի ներկայացված տարադրամի փոխարժեքներն են. 

ԱՄՆ դոլարի առքի միջին արժեք է սահմանվել 385.11 դրամը, վաճառքի միջին արժեք 391.16 դրամը:

Եվրոյի առքի միջին արժեք է սահմանվել 414.61 դրամը, վաճառքի միջին արժեք՝ 428.30 դրամը:

Ռուսական ռուբլու առքի միջին արժեք է սահմանվել 4.24 դրամը, վաճառքի միջին արժեք՝ 4.48 դրամը:

«Ժողովուրդ» օրաթերթը գրում է. «2018 թվականից քաղաքական «Թավշյա հեղափոխությունից» հետո ՀՀ կրթության և գիտության նախկին նախարար, վարչապետի նախկին գլխավոր խորհրդական, 2021 թվականի հուլիսի 1-ից վարչապետի աշխատակազմի ղեկավար Արայիկ Հարությունյանը, ըստ 2023 թվականի եկամուտների, գույքի, շահերի և ծախսերի մասին հայտարարագրի, ՀՀ վարչապետի աշխատակազմից ստանում է 22 մլն 488 հազար դրամ աշխատանքի վարձատրություն։

Նախկինում՝ մինչ հեղափոխությունը, ոչնչով աչքի չընկած ԵՊՀ դասախոս Արայիկ Հարությունյանը 2018 թվականին, երբ ԿԳ նախարար էր դառնում, ստանում էր ընդամենը տարեկան գրեթե 680 հազար դրամ աշխատանքի վարձատրություն ԵՊՀ-ից: Սակայն տարբեր պաշտոններում պաշտոնավարման այս 6 տարիների ընթացքում Արայիկ Հարությունյանի աշխատանքի վարձատրությունը 22 անգամ ավելացել է՝ դառնալով տարեկան 22 մլն 488 հազար դրամ։

Վարչապետի աշխատակազմի ղեկավարը 2022 թվականին ձեռք է բերել հողամաս Կոտայքի մարզի Նաիրի համայնքում, որի արժեքը կազմել է 8 մլն 320 հազար դրամ։

Արայիկ Հարությունյանի բանկային հաշիվների մնացորդները կազմել են 10 մլն 411 հազար դրամ՝ նախորդ տարվա համեմատ աճելով 4 մլն դրամով։

2022 թվականին առկա կանխիկ դրամական միջոցները՝ 150 հազար դրամը, այս տարի նվազել է՝ դառնալով 100 հազար դրամ։

Արայիկ Հարությունյանի ստացված վարկերի և փոխառությունների մայր գումարի մնացորդը հաշվետու տարվա դեկտեմբերի 31-ի դրությամբ կազմել է 27 մլն 017 հազար դրամ, որը, ինչպես հասկանում ենք, բնակարանի հիփոթեքի մայր գումարի մնացորդն է, որի համար աշխատակազմի ղեկավարը ՀՀ ֆինանսների նախարարությունից ստացել է 3 մլն 016 հազար դրամ գումար՝ եկամտահարկի վերադարձի օրենքով՝ հիփոթեքի մայր գումարի մնացորդը մարելու համար»։ Մանրամասները՝ թերթի համարում

«Տավուշը հանուն հայրենիքի» շարժումը լուսանկարներ է տարածել ֆեյսբուքյան էջում՝ կից գրառմամբ․ «30 արծաթով հայրենիքը վաճառածների նկարներն այս գիշեր հայտնվել են Երևանի տարբեր հատվածներում»։

«30 արծաթով հայրենիքը վաճառածները»․ «Տավուշը հանուն հայրենիքի» շարժում

«30 արծաթով հայրենիքը վաճառածները»․ «Տավուշը հանուն հայրենիքի» շարժում

Աղբյուրը` «Տավուշը հանուն հայրենիքի» շարժում

#ՀԻՄԱ. ԲԱԳՐԱՏ ՍՐԲԱԶԱՆԻ ԱՍՈՒԼԻՍԸ` ՄԻՋԱԶԳԱՅԻՆ ԼՐԱՏՎԱՄԻՋՈՑՆԵՐԻՆ.

ՈՒՂԻՂ

Աշխարհի ամենահարուստ մարդկանցից մեկի՝ Ջեֆ Բեզոսի հարսնացուն՝ 54-ամյա Լորեն Սանչեսը, նախընտրում է սեքսուալ հագուստը։ Իր որդու՝ քոլեջի ավարտական ​​երեկույթին Լորենը կրել է Versace-ի 2022 թվականի գարուն-ամառ հավաքածուից լատեքսային մինի զգեստ:

Սանչեսն անդրադարձել է այս հիշարժան առիթին՝ Instagram-ում հրապարակելով մի տեսանյութ, որում նա կենաց է խմում իր 23-ամյա որդու համար, որը նախկին ամուսնուց է՝ Թոնի Գոնսալեսից:

Զգեստը, որն ի սկզբանե արժեր 2,575 դոլար, նա լրացրել էր ոսկյա ապարանջանով եւ ադամանդե ականջօղերով:

Նշենք, որ այս տարի Լորենն իր դեբյուտը կատարեց Meta Gala-ում։ Vogue-ի գլխավոր խմբագիր Աննա Վինտուրն անձամբ օգնեց նրան ընտրել այս կարեւոր իրադարձության հանդերձանքը։ Սա Վինտուրի պայմանն էր, ով կարծում է, որ Սանչեսը վատ ճաշակ ունի զգեստների ընտրության հարցում:

Այսօր ֆանտաստիկ լուր եղավ, որ Getcontact ծրագրի միջոցով ՀՀ-ից 280000 քաղաքացու տվյալ է գնացել Ադրբեջան/Թուրքիա:

Եթե չգիտեք դա ինչ է, պարզ մի բան. ոնց էլ լինի ՊՆ-ից, ԱԱԾ-ից, ՆԳՆ-ից որևէ կոնտակ կունենաք ձեր հեռախոսներում, որի անվան առաջ գրած է տվյալ անձի աշխատանքի վայրը:

Հետևաբար, երբ ձեր հեռախոսի տվյալները հայտնվում են թշնամու ձեռքում, իր մոտ են հայտնվում նաև ձեր հեռախոսի ողջ ցանկը՝ կոնկրետ ուժայինների տվյալները անձնական իդենտիֆիկացիայով: Դուք մոտավոր հասկանու՞մ եք, որ իրենց հաջողվել է մի գործիքով բացահայտել՝ ասենք ԱԱԾ-ի աշխատողների մի զգալի մասին կոնկրետ անունով ազգանունով, աշխատավայրով:

Դե ինչ ասեմ, բա ծափ տվեք արա... ես չեմ խոսում Արցախի ԱԱԾ-ի ու ՊԲ-ի անձնական գործերը այնտեղ թողնելու թեմայի մասին, որ հիմա կարծես Ադրբեջանի ձեռքում է...

Երբ պետությունը վաղուց մեռած է...

Ալեն Ղևոնդյան

Իշխանությունն Արցախի դեմ հերթական նիկոլության շրջանակներում, երեկ փորձում էր ապօրինի բերման ենթարկել Արցախի նախագահի աշխատակազմի բալանսում գտնվող և նախագահին ուղեկցող մեքենան: Այս մասին իր ֆեյսբուքյան էջում գրել է ԱԺ պատգամավոր Տիգրան Աբրահամյանը։

«Արցախի սուբյեկտայնության և արցախցիների դեմ տարբեր մասշտաբի հակաբարոյական արշավներն այնքան կձգվեն քանի իշխանության ղեկին անձինք են, ովքեր ողջ էության ատում են հայի տեսակը:

Այսօր թիրախում արցախցին է, հաջորդ օրը տավուշցին ու այդպես շարունակ և կրկնում եմ` սա կշարունակվի այնքան ժամանակ, քանի Հայաստանը չունի հայի օրակարգ ու առաջնահերթություն սպասարկող իշխանություն», - գրել է նա:

Կիրանցում գտնվող ճանապարհի փոխարեն կառուցվող նոր ճանապարհի հեռավորությունը Ադրբեջանի սահմանից 19 մետր է։

Այս մասին ֆեյսբուքյան էջում գրել է «Ապրելու երկիր» կուսակցության համահիմնադիր Մեսրոպ Առաքելյանը։

«Ադրբեջանին հանձնվող՝ դեպի Վրաստան գնացող, Կիրանց գյուղում գտնվող ճանապարհի փոխարեն կառուցվող նոր ճանապարհի հեռավորությունը Ադրբեջանի սահմանից 19 մետր է։

Մոտավորապես այդքան է կառավարության նիստերի դահլիճի դռան և ճանապարհը կառուցող Գնել Սանոսյանի աթոռի հեռավորությունը»,-գրել է նա։

«Ժողովուրդ» օրաթերթը գրում է. «Խորհրդարանն ավարտում է այս նստաշրջանի իր աշխատանքները. հաջորդ շաբաթ մեկնարկելիք քառօրյա նիստերից հետո պատգամավորներն արձակուրդի կանցնեն:

ԱԺ աշնանային նստաշրջանը արդեն կմեկնարկի սեպտեմբերից:

Հնարավոր է՝ այդ ընթացքում պատգամավորները կամ գործադիրը ԱԺ արտահերթ նիստեր հրավիրելու նախաձեռնությամբ հանդես գան, բայց հաջորդ շաբաթվա քառօրյա նիստերով ԱԺ-ն պաշտոնապես կավարտի իր աշխատանքները եւ «արձակուրդ» կգնա:

ԱԺ քառօրյա նիստերը մեկնարկում են երեքշաբթի՝ հունիսի 9-ից:

Այս նիստերի օրակարգում, ի թիվս այլ հարցերի, ընդգրկված է նաեւ Վճռաբեկ դատարանի դատավորի ընտրության հարցը, թեկնածուներն են Արմեն Դանիելյանը, Ռուբիկ Մխիթարյանը եւ Մանվել Շահվերդյանը:

Մինչեւ նիստերի մեկնարկը՝ երկուշաբթի օրը, ՔՊ-ականները ֆրակցիայի նիստ կանեն՝ ԱԺ քառօրյա նստաշրջանի օրակարգային հարցերի շուրջ քննարկում ունենալու համար, կորոշեն նաեւ՝ որ դատավորի թեկնածուներից ում են ընտրելու»։

Մանրամասները՝ «Ժողովուրդ» օրաթերթի այսօրվա համարում:

«Փաստ» օրաթերթը գրում է. «Ֆրանսիան մտադիր է տրամադրել «Միաժ 2000-5» կործանիչներ և ուսուցանել ու զինել 4,5 հազար զինվորականների: Այս մասին հայտարարել է Ֆրանսիայի նախագահ Էմմանուել Մակրոնը: Այն ֆոնին, երբ ամենօրյա ռեժիմով Ադրբեջանը սպառնալիքներ է հնչեցնում Հայաստանի հասցեին, նորանոր պահանջներ է առաջ քաշում, իհարկե, ցանկալի կլիներ, որ Ֆրանսիայի այս հայտարարությունը վերաբերեր Հայաստանին: Բայց ոչ: Մակրոնն այդ խոստումը տվել է Ուկրաինային: Կկատարվի այդ խոստումը, թե Ուկրաինային նորից «կգցեն», այլ հարց է:

Փաստն այն է, որ Հայաստանը փաստացի մնացել է 2-3 ռադարի ու հին, իրենց դարն ապրած զրահամեքենաների տրամադրման խոստման հույսին: Ընդ որում, զրահամեքենաներ, որոնցից նույն Ուկրաինան հրաժարվել էր, քանի որ դրանք վատ են պաշտպանված հրետանային կրակից և հակատանկային հրթիռներից: Այսինքն, կատարյալ անպետքություն են: Բայց նույնիսկ նման զենքի պարագայում Եվրամիությունը փաստացի հրաժարվում է ֆինանսավորել, այսինքն՝ եթե նույնիսկ դրանք տրամադրվեն, ֆինանսական բեռը մնում է Հայաստանի վրա: Իսկ «եվրոպական» փողերը Ֆրանսիա են գնում Ուկրաինայի համար:

Ըստ էության, Արևմուտքը Հայաստանին «խաղից դուրս» է թողնում՝ միևնույն ժամանակ մեզ փորձելով օգտագործել Ռուսաստանի դեմ իրենց նպատակներում: Այս ֆոնին Հայաստանի իշխանությունները շարունակում են խորացնել իրենց խաղը Արևմուտքի հետ, որի նպատակը, ինչպես արդեն ակնհայտ է դառնում, ի սկզբանե եղել է բացառապես Ռուսաստանին տարածաշրջանից դուրս թողնելը: Ու սա՝ չնայած այն հանգամանքին, որ ոչ մեկ անգամ առիթ եղել է համոզվելու, որ հավաքական Արևմուտքը խոստումներից այն կողմ ոչինչ չի անում, և հեռու չէ այն օրը, երբ Հայաստանը կարող է մնալ բացարձակ միայնակ թշնամու դեմ, չնայած գուցե Փաշինյանը հենց դրան էլ ձգտում է:

Ի վերջո, չմոռանանք, որ բոլոր այն նարատիվները, որ առաջ է քաշում մասնավորաբար Ալիևն ու, ընդհանրապես, թուրք-ադրբեջանական տանդեմը, Նիկոլ Փաշինյանն ու իր թիմը ոչ միայն նույնությամբ կրկնում են, այլև նույնիսկ զարգացնում են»:

Մանրամասները՝ «Փաստ» օրաթերթի այսօրվա համարում: