Ապրիլի 30, 2025
«Հրապարակ» թերթը գրում է. «Երկու ամիս առաջ ՄԻԵԴ-ում Հայաստանի կառավարության ներկայացուցիչ Եղիշե Կիրակոսյանն ազատման դիմում ներկայացրեց: Նրա հեռանալու մասին լուրերը ավելի վաղ շրջանառվում էին` մոտ մեկ տարի շարունակ։ Պատճառն, ըստ հավաստի տեղեկությունների, միջազգային ատյաններից Ադրբեջանի դեմ հայցերից հրաժարումն էր, ինչին Կիրակոսյանը դեմ էր։ Վերջինիս հետ ազատման դիմում էին գրել նաեւ աշխատակազմի որոշ աշխատակիցներ։
2 ամիս է անցել, սակայն Կիրակոսյանին փոխարինող դեռ նշանակված չէ, նրա պարտականությունները կատարում է Մարդու իրավունքների եվրոպական դատարանում ՀՀ ներկայացուցչի գրասենյակի ղեկավար Լիպարիտ Դրմեյանը` նախկին դատավոր Մամիկոն Դրմեյանի որդին։
Իրավական համակարգում տարածված լուրերի համաձայն՝ հենց Դրմեյանն էլ նշանակվելու է Միջազգային իրավական հարցերով Հայաստանի ներկայացուցիչ։ Դրմեյանին «Հրապարակ»-ը հարցրեց իր հնարավոր նշանակման մասին, նա չպատասխանեց՝ ուղղորդելով զանգահարել գրասենյակի մամուլի քարտուղարին։
Նկատենք, որ այս գրասենյակի հետ առնչություն ունեցողները կարծում են, որ Եղիշե Կիրակոսյանին դժվար է լինելու համարժեքորեն փոխարինելը` նա այս իշխանության հետ համագործակցող սակավաթիվ գրագետ իրավաբաններից էր, ով նաեւ, փաստորեն, պարզվեց` սկբունքներ էլ ունի: Իսկ գրասենյակի աշխատանքը շատ կարեւոր է, քանի որ ոչ միայն Ադրբեջանի դեմ արցախցիների հայցերով է այն զբաղվում, այլեւ Բաքվում գտնվող գերիների հարցերով»:
Առավել մանրամասն թերթի այսօրվա համարում
Latest from ArmNews
- Նոր Նորք վարչական շրջանի ղեկավարի աշխատակազմում տեղի ունեցած դեպքի առթիվ նախաձեռնվել է քրեական վարույթ. ՔԿ
- 5 օր անց Նիկոլ Փաշինյանը ցավակցել է Իրանին
- Մեր բախտը բերել է, որ Պուտինն է ՌԴ նախագահը. Պեսկով
- Սի Ծինփինը կմասնակցի մայիսի 9-ին Մոսկվայում կայանալիք տոնակատարություններին
- Հայդի Քլումը եւ նրա դուստրը՝ Լենի Քլումը, նորից լուսանկարվել են ներքնազգեստով
- Առաջին դասարանցիների հայտագրումը կմեկնարկի հունիսի 9-ից
- Արարատ Միրզոյանի հայտնած ՀՀ-ի Բրյուսելում դեսպանատան շենք է գնելու տեղեկությունը զարմացրեց Փաշինյանին
- Ջիգանի կինը ցուցադրել է հետույքը՝ մարզվելուց հետո. ՖՈՏՈ
Լրահոս
Prev
Next