Սաուդյան Արաբիան միջնորդ կլինի ՌԴ-ԱՄՆ բանակցություններում. CNN
Սաուդյան Արաբիայի իշխանությունները մտադիր են ոչ միայն հարթակ տրամադրել Ռուսաստանի և ԱՄՆ-ի միջև ուկրաինական կարգավորման շուրջ բանակցությունների համար, այլ նաև միջնորդի դերում հանդես գալ բանակցություններում, հայտնում է CNN-ը՝ հղում անելով աղբյուրին։
Սաուդցի պաշտոնյան ասել է, որ երկիրը կանի «ավելին, քան պարզապես հյուրընկալելը» և «կզբաղվի միջնորդի դերով»: Սաուդյան Արաբիայի պատվիրակությունը կգլխավորի երկրի ազգային անվտանգության հարցերով խորհրդականը, նրա անունը չի նշվում։
«Կոմերսանտ»-ի տեղեկություններով՝ փետրվարի 18-ին Սաուդյան Արաբիայում կկայանա Ռուսաստանի և Ուկրաինայի ներկայացուցիչների առաջին հանդիպումը։ Ուկրաինայի պատվիրակությունը հանդիպմանը չի հրավիրվել։ Ինչպես հաղորդում է NBC News-ը, ԱՄՆ իշխանությունները նախատեսում են նախ բանակցություններ վարել Ռուսաստանի Դաշնության և Ուկրաինայի հետ առանձին, և միայն դրանից հետո անցկացնել համատեղ գագաթնաժողով։
Հիշեցնենք, որ օրերս ԱՄՆ նախագահ Դոնալդ Թրամփը ՎլադիմիրՊուտինի հետ հեռախոսազրույցից հետո հայտարարել էր, որ իր և ՌԴ նախագահի առաջին հանդիպումը, ամենայն հավանականությամբ, տեղի կունենա Սաուդյան Արաբիայում:
Latest from ArmNews
- Ֆրանսիան Ռուսաստանի դիվանագետներին չի հրավիրել Հաղթանակի օրվա տոնակատարությանը
- Վեհափառ Հայրապետը ներկա կգտնվի Հռոմի Ֆրանցիսկոս Պապի հրաժեշտի արարողությանը
- Ամերիկյան 100-ից ավելի համալսարաններ դատապարտել են Թրամփի «քաղաքական միջամտությունը»
- «Հեզբոլլահ»-ը չորս պայման է առաջադրել իր ջոկատների զինաթափման համար
- Շվեյցարիան միացել է Ռուսաստանի լրատվամիջոցների դեմ պատժամիջոցներին
- Պուտինը չի մասնակցի Հռոմի Պապի հուղարկավորությանը. կրեմլ
- Աշխատանքից ազատվել է Նուբարաշենի հոգեբուժարանի տնօրենը
- Վատիկանը հայտնել է Հռոմի պապի հուղարկավորության օրը
Լրահոս
Ֆոտո
