Շվեյցարիայում խաղաղության գագաթնաժողովի արդյունքներով հռչակագիր է ստորագրվել. Հայաստանը այն երկրների թվում է, որոնք հրաժարվել են ստորագրել այն, հայտնում է Neue Zrcher Zeitung շվեյցարական պարբերականը։

Հայաստանից բացի հռչակագրի ստորագրումից հրաժարվել են այնպիսի երկրներ, ինչպիսիք են Սլովակիան, Հարավային Աֆրիկան, Հնդկաստանը։

Ընդհանուր առմամբ, գագաթնաժողովին ներկա 101 պատվիրակություններից հռչակագրին աջակցել է 84-ը։

Ստորագրողների թվում են նաև Թուրքիան, Իրաքը, Իտալիան, Լեհաստանը, Միացյալ Նահանգները, Սերբիան և Հունգարիան:

Վերջնական փաստաթղթի ստույգ բովանդակությունը ԶԼՄ-ներին դեռ չի հաղորդվել:

Ըստ Reuters-ի, փաստաթղթի նախագիծը ներառում է այնպիսի հարցեր, ինչպիսիք են Զապորոժյեի ատոմակայանի շահագործումը, Սև և Ազովի ծովերի նավահանգիստները, «բոլորը բոլորի դիմաց» բանաձևով գերիների ազատումը և միջուկային զենքի կիրառումը։

Եվրահանձնաժողովի նախագահ Ուրսուլա ֆոն դեր Լայենը հանդիպել է Վրաստանի նախագահ Սալոմե Զուրաբիշվիլիին և կոչ արել Վրաստանի կառավարությանը գործել երկրի ԵՄ ձգտումներին համապատասխան։

«Ես խորապես հարգում եմ Ձեր հանձնառությունը Վրաստանի եվրոպական ապագայի հանդեպ։

Վրաց ժողովրդի ճնշող մեծամասնությունը պաշտպանում է այս ճանապարհը։

Կոչ ենք անում Վրաստանի կառավարությանը գործել ԵՄ-ին անդամակցելու Վրաստանի ձգտումներին համապատասխան»,- գրել է Ուրսուլա ֆոն դեր Լայենը թվիթերի իր էջում:

33-ամյա կույսը սեքսով զբաղվելու մտադրություն չունի, քանի դեռ չի հանդիպել մի տղամարդու, ով կհամապատասխանի իր ցուցակի տասնյակ հատկանիշներին։ Ֆլորիդայի բնակչուհի Դանիել Նոբլը Caters News-ին ասել է, որ ցանկանում է հարաբերություններ հաստատել, բայց պատրաստ չէ շփվել ամեն պատահածի հետ:

«Ես շատ բծախնդիր եմ: Ես գիտեմ, թե ինչ եմ ուզում»,-ասել է նա,-«Իմ ընկերներից շատերն օգտագործում են ծանոթությունների հավելվածներ եւ գնում են տղայի տուն ծանոթության հենց առաջին գիշերը, բայց ես այդպես չեմ անում»,-հավելել է աղջիկը:

Նա խոստովանել է, որ նախկինում ամաչում էր իր կուսության համար, իսկ հիմա հպարտանում է դրանով։ «Նախկինում ես ամաչում էի խոսել այս մասին: Ես գերադասում էի ստել, բայց այդ մասին ավելի շատ խոսելու ունակությունն ինձ ստիպում է հասկանալ, որ դրանում ոչ մի վատ բան չկա, եւ շատ տղաներ իսկապես հարգում են դա»:

Դանիելն ունի հատուկ ցանկ՝ 12 կետերից, որոնց տղամարդը պետք է համապատասխանի, որպեսզի նա մտածի նրա հետ հարաբերությունների, ինչպես նաեւ սեքսի հնարավորության մասին։

Պոտենցիալ սիրահարը «պետք է լինի ընտանիքին նվիրված, անկեղծ, համարձակ, բարեսիրտ, բարձրահասակ, պիտանի, սիրի ճանապարհորդություններ եւ բնություն: Նա պետք է նախկինում ամուսնացած չլինի, հումորի զգացում ունենա եւ հարգի ինձ»,-ասել է Նոբլը։

Նա հավելել է, որ երբեք լուրջ հարաբերությունների մեջ չի եղել եւ առաջին ժամադրության ժամանակ միշտ տղամարդկանց ասում է, որ դեռ կույս է։

Թխահեր գեղեցկուհին մտածել է ծանոթությունների շոուին մասնակցելու մասին, սակայն առայժմ սովոր է միայնակ լինելուն։

Այնուամենայնիվ, Նոբլը դեռ հույս ունի, որ կգտնի կատարյալ տղամարդու: «Ես զգում եմ, որ իմ տղամարդն այլ երկրից է»,-խոստովանել է նա,-«Ես գիտեմ, որ Աստված ծրագիր ունի ինձ համար»:

«Ասում են՝ ապացուցիր, որ դու ուղտ չես».

Փաստաբանը՝ Գերասիմ Վարդանյանի նկատմամբ մեղադրանքի մասին․

Մանրամասները՝ տեսանյութում․

Գունավոր մարդիկ, բարձր տրամադրություն.

Գույների փառատոնը՝ Երեւանում

Մանրամասները՝ տեսանյութում

Ազգային ժողովրդավարական բևեռը ֆեյսբուքյան էջում հայտնում է․

«Ազգային-ժողովրդավարական Բևեռի խորհրդի անդամներ Արա Պապյանը, Գարեգին Չուգասզյանը և Ժիրայր Սէֆիլյանը այսօր` հունիսի 16-ին, հանդիպում են ունեցել Բագրատ Արքեպիսկոպոս Գալստանյանի հետ:

Քննարկվել են շարժման ընթացքին և հետագա համագործակցությանն առնչվող հարցեր»։

Ադրբեջանի ՊՆ հաղորդագրությունը, թե հունիսի 16-ին՝ ժամը 00:50-ի սահմաններում, ՀՀ ԶՈՒ ստորաբաժանումները կրակ են բացել սահմանագոտու հարավարևմտյան հատվածում տեղակայված ադրբեջանական դիրքերի ուղղությամբ, չի համապատասխանում իրականությանը։

Այս մասին հաղորդագրություն է տարածել ՀՀ ՊՆ-ն:

ՀՅԴ ԳՄ անդամ Գերասիմ Վարդանյանը երկու ամսով կալանավորվեց: Այս մասին այսօր` հունիսի 16-ին, դատարանի մոտ հայտնեց նրա փաստաբանը` Բենիկ Գալստյանը:

Նշենք, որ Գերասիմ Վարդանյանը մեղադրվում է  հավաքի մասնակիցներին նյութապես շահագրգռելու մեջ, ինչը, սակայն ըստ փաստաբանի, չունի փաստական որեւէ փաստական ապացույց: Ըստ նրա` միայն ձայնագրություն է, որով չի ապացուցվում, որ Գերասիմ Վարդանյանը ինչ-որ գումար է տվել ինչ որ անձանց` հավաքին մասնակցելու համար:

Փաստաբանը կբողոքարկի Վարդանյանին երկու ամսով կալանավորելու միջնորդությունը:

Նշենք, որ նախօրեին Գերասիմ Վարդանյանը ինքնակամ էր ներկայացել քննչական կոմիտե: 

«Շուրջ երեք օր է՝ մամուլում հայտնված ձայնագրության հետ կապված ինչ-որ ձերբակալություններ են իրականցնում՝ ինձ հետ կապելով դրանք: Տասնյակից ավելի մարդկանց են արդեն 72-ժամյա ռեժիմով ձերբակակել՝ նրանց թվում նաև երկու կնոջ: Իբր թե իմ դեմ քրեական գործի շրջանակներում է, նույնիսկ մեկին այսօր տանում են կալանքի՝ ինձ օժանդակելու մեղադրանքով, բայց իմ նկատմամբ որևէ գործ չի հարուցվել, ինձ ծանուցում չի եկել: Մարդկանց ձերբակալել են, որպեսզի վախի մթնոլորտ ստեղծեն, ցուցմունք կորզեն»,- Քննչական կոմիտեի բակում, լրագրողների հետ զրույցում ասել էր Գերասիմ Վարդանյանը՝ շեշտելով, որ իր նկատմամբ հարուցված գործ չկա:

Այսօր՝ հունիսի 16-ին, արտառոց դեպք է տեղի ունեցել Երևանում։ Ժամը 10:55-ի սահմաններում ՀՀ Ներքին գործերի նախարարության Ոստիկանության Կենտրոնական բաժնում և ՀՀ ՆԳՆ Ոստիկանության Պարեկային ծառայության Երևան քաղաքի գնդի 1-ին գումարտակում օպերատիվ տեղեկություններ են ստացվել, որ Վարդանանց 27 շենքի բակում կայանված «Ford Focus» մակնիշի ավտոմեքենայի վրա վիրավոր քաղաքացի կա։ Հայտնում է shamshyan.com-ը:

Ժամանել է նաև փորձաքրեագետը։ Դեպքի փաստով քննչական բաժնում նախաձեռնվել է քրեական վարույթ, որտեղ էլ պարզում են վիրավորի ինքնությունը։ Գ. Շամշյանի տեղեկություններով՝ վիրավորը ՌԴ քաղաքացի 23-ամյա Օլեգ Ա.-ն է, ով նշված շենքի 13-րդ հարկից կամ իրեն ցած է նետել, կամ անզգուշաբար վայր է ընկել։

Տեղում պարեկներն էլ պարզել են, որ վնասված ավտոմեքենան պատկանում է Երևանի բնակիչ 53-ամյա Արա Գ.-ին։

Մադրիդի «Ռեալում» Ֆրանսիայի հավաքականի հարձակվող Կիլիան Մբապեի շնորհանդեսին կմասնակցի նաեւ Արքայական ակումբի նախկին խաղացող եւ գլխավոր մարզիչ Զինեդին Զիդանը, հաղորդում է El Debate-ը։

«Ռեալում» հույս ունեն, որ Մբապեի շնորհանդեսին ներկա կլինեն ավելի շատ երկրպագուներ, քան 2009-ին պորտուգալացի Կրիշտիանու Ռոնալդուի շնորհանդեսին։ Այն ժամանակ Ռոնալդուին ներկայացնում էին լեգենդար Ալֆրեդո Դի Ստեֆանոն եւ Էյսեբիոն։ Ներկա էր 85 հազար մարդ։

Սպասվում է, որ Մբապեի շնորհանդեսը տեղի կունենա Եվրո-2024-ից հետո՝ հունիսի 16-ին։

25-ամյա ֆուտբոլիստի պայմանագիրը «Ռեալի» հետ նախատեսված է մինչեւ 2029 թվական։