Հրապարակը գրոմ է.  «Տավուշը հանուն հայրենիքի» շարժումը Բագրատ Սրբազանի գլխավորությամբ երեկվանից Սյունիքում է։ Քիչ առաջ նա մարզկենտրոն Կապանում էր, հանդիպեց կապանցիների հետ, լսեց նրանց մտահոգությունները։ Սրբազանի հետ հանդիպման էր եկել նաեւ ԱԺ  ՔՊ-ական պատգամավոր Նարեկ Ղահրամանյանի հորաքույրը` Ռուզաննա Ղահրամանյանը։ Վերջինս «Հրապարակ»-ի հետ զրույցում ասաց, որ 2020թ․-ից հետո Ղահրամանյանի հետ այլեւս չի շփվում։ 

Հարցին՝ ինչպե՞ս է պատկերացնում այս իշխանության օրոք Հայաստանի ապագան, պատասխանեց․ «Ապագա չեմ տեսնում, անհապաղ պետք է փոխվի այս կառավարությունը»։ Նրա խոսքով՝ Կապան այցելած Փաշինյանի ընդունելությունը, որին մասնակցում էին իբր նրան աջակցող սյունեցիները՝ դասավորած, սարքած բան էր։ 

«Մի քանիսին առել են, ասել՝ սա ասա, այն ասա։ Առնվազն պիտի տհաս ու թերզարգացած լինես, որ նման ձեւով ընդունես քեզ կործանողին։ Մի քանի հոգու հաստատ գումար են տվել, որ գան ու Փաշինյանի զզվելի կերպարը գովեն։ Մեր երկրից պիտի քշվեն դրանք, այդ ՔՊ-ական ոհմակը պիտի վերանա։ Սրանք մարդկային արժեքներից զուրկ են, նրանք ուզում են միայն ուտեն, խմեն, քեֆ անեն»,-նշեց նա։ 

Մանրամասն՝ տեսանյութում

168.am-ի հետ զրույցում ՀՀ ԶՈՒ գլխավոր շտաբի նախկին պետ, նախկին գլխավոր ռազմական տեսուչ, գեներալ-գնդապետ Մովսես Հակոբյանն ասաց, որ Տավուշում ո՛չ սահմանային սյուները, ո՛չ փշալարերը, ո՛չ էլ սահմանապահները չեն կարող ապահովել խաղաղություն։

«Երկրի անվտանգությունն ապահովում է երկրի քաղաքական իշխանությունը և երկրի Զինված ուժերը։ Մնացած ամեն ինչ՝ դիրքը, բունկերը, սահմանային սյունը, որևէ բան չեն անում, մասնավորապես՝ Ադրբեջանի դեպքում։ Այդ ամենն ընդամենն օգնում է իշխանություններին ու Զինված ուժերին՝ անվտանգությունն ապահովելու հարցում։

Թե այսօր ՀՀ իշխանությունը որքանո՞վ է ապահովում մեր երկրի անվտանգությունը, սրա վերաբերյալ վաղուց եմ կարծիքս հայտնել ու այդ կարծիքը մնում է անփոփոխ՝ սա կործանարար իշխանություն է»,- նշեց Մովսես Հակոբյանը։

Ըստ Մովսես Հակոբյանի, այսօր բոլորի համար էլ պարզ է, թե ինչ է տեղի ունենում Տավուշում, հետևաբար՝ խաղաղության մասին խոսք անգամ լինել չի կարող։

Ի դեպ, այս տարի ապրիլի 19-ին ՀՀ Արտգործնախարարությունը հաղորդագրություն տարածեց ՀՀ և ԱՀ սահմանին նույն օրը տեղի ունեցած երկու երկրների միջև պետական սահմանի սահմանազատման և սահմանային անվտանգության հարցերով հանձնաժողովների ութերորդ հանդիպման ընթացքում ձեռք բերված պայմանավորվածությունների մասին: Դրանցից մեկով պայմանավորվածություն է ձեռք բերվել՝ ավարտին հասցնել երկու պետական հանձնաժողովի համատեղ գործունեության մասին կանոնակարգի նախագծի համաձայնեցման շուրջ աշխատանքները մինչև 2024թ. հուլիսի 1-ը և մեկնարկել դրա ներպետական համաձայնեցման ու հաստատման գործընթացը:

Այսինքն՝ առավելագույնը երկու օրից պետք է պատրաստ լինի կանոնակարգի նախագիծը: Եթե փաստաթուղթը միջպետական է, ապա ամենայն հավանականությամբ այն պետք է վավերացնի տվյալ երկրի խորհրդարանը: Սակայն բոլորովին վերջերս Ադրբեջանի գործող խորհրդարանն արձակվեց և երկրի նախագահի կարգադրությամբ արտահերթ խորհրդարանական ընտրություններ նշանակվեց այս տարվա սեպտեմբերի 1-ին: Այսինքն, եթե անգամ կանոնակարգի նախագիծը պատրաստ է, վստահաբար դեռ մի քանի ամիս ադրբեջանական կողմն այն վավերացնել չի կարող:

Մինչ խորհրդարանական ընտրությունները` Վրաստանում նախատեսվում է բանտարկյալների լայնածավալ համաներում հայտարարել։ Այս մասին հայտարարել է վարչապետ Իրակլի Կոբախիձեն՝ ելույթ ունենալով խորհրդարանում, հայտնում է NewsGeorgia-ն։

«Մոտ օրերս մենք նախատեսում ենք խորհրդարանում համապատասխան օրինագիծ նախաձեռնել»,- ասել է նա։

Կառավարությունն ակնկալում է, որ նախաձեռնության քննարկումները կշարունակվեն հուլիսին կայանալիք ԱԺ արտահերթ նիստում, իսկ օրենքը վերջնական ընթերցմամբ կընդունվի սեպտեմբերին։

Վրաստանի վարչապետի խոսքով՝ արդեն որոշվել է այն հոդվածների ցանկը, որոնց վրա կտարածվի համաներումը։ Նա չի հստակեցրել, թե քանի բանտարկյալների վրա դա կազդի, սակայն ասել է, որ նպատակներից մեկը Վրաստանի բանտերում մարդկանց թիվը «լրջորեն կրճատելն է»:

«Մոտ 10 հազար բանտարկյալ ունենք բանտերում։ Կարևոր է, որ մոտ ապագայում դրանց թիվը լրջորեն կրճատվի եվրոպական օպտիմալ ցուցանիշին մոտենալու համար։ Դրան հասնելու համար ցանկալի է բանտարկյալների թիվը կրճատել առնվազն մոտ մեկ երրորդով։ Կարծում ենք, որ համաներման մասին պատրաստված օրենքը լուրջ ներդրում կունենա այս նպատակին հասնելու գործում»,- ասել է նա։

Պիտի հստակ ասեն՝ ո՞նց է շարժման մեջ հայտնվել մեկը, որն ի սկզբանե ներդրված է եղել. Նաիրա Զոհրաբյան.

Տեսանյութ

«Սիբիրի ուժը» գազատարը և hեռավորարևելյան ուղիով մատակարարումներն ամբողջ հզորությամբ գործարկելուց հետո Ռուսաստանը կդառնա դեպի Չինաստան գազի խոշորագույն մատակարարը, հայտարարել է «Գազպրոմի» ղեկավար Ալեքսեյ Միլլերը։

Նա տեղեկացրել է, որ «Գազպրոմը» սիստեմատիկ կերպով ավելացնում է գազի մատակարարումները Չինաստան՝ «Սիբիրի ուժը» գազատարի միջոցով, և հաջորդ տարի մատակարարումների ծավալը կհասնի տարեկան 38 միլիարդ խորանարդ մետրի։

2027 թվականին կգործարկվի «Հեռավորարևելյան» ուղին դեպի Չինաստան, որով ևս տարեկան 10 միլիարդ խորանարդ մետր գազ կմատակարարվի։

«Այսպիսով Ռուսաստանը կդառնա Չինաստանին գազի խոշորագույն մատակարարը»,- ասել է Միլլերը։

Ուկրաինայի արտաքին գործերի նախարար Դմիտրո Կուլեբան Հայաստանի Հանրապետության արտգործնախարար Արարատ Միրզոյանի հետ հանդիպմանը շնորհակալություն է հայտնել Շվեյցարիայում Խաղաղության առաջին գագաթնաժողովին ունեցած մասնակցության համար։

Այս մասին նշված է Ուկրաինայի ԱԳ նախարարի X-ի միկրոբլոգում կատարած գրառման մեջ, որում նա հայտնում է, որ Հայաստանի արտգործնախարար Արարատ Միրզոյանի հետ ունեցած հանդիպման քննարկվել են Եվրոպայի և Հարավային Կովկասի անվտանգության իրավիճակը վերաբերյալ հարցեր։

«Ես շնորհակալություն հայտնեցի Հայաստանին Շվեյցարիայում կայացած Խաղաղության առաջին գագաթնաժողովին մասնակցելու համար և իմ գործընկերոջը տեղեկացրի Ուկրաինայում արդար և կայուն խաղաղության ճանապարհին Խաղաղության բանաձևի իրականացման հետագա աշխատանքների մասին»,-իր գրառման մեջ նշել է Կուլեբան։

Նա նաև հավելել է, որ հանդիպման ընթացքում կողմերը նաև կենտրոնացել են Հայաստան-Ուկրաինա երկկողմ կապերի և միջազգային համագործակցության խորացման ուղիների վրա, հատկապես՝ հաշվի առնելով Ուկրաինայի ապագա անդամակցությունը Եվրոպական միությանը։

Եվրահանձնաժողովի նախագահ Ուրսուլա ֆոն դեր Լայենը հայտարարել է, որ Բրյուսելը 1 մլրդ եվրո է հատկացրել Կահիրեին՝ երկրի տնտեսական բարեփոխումներին աջակցելու նպատակով։  

Այս մասին հայտնում է ՏԱՍՍ-ը՝ հավելելով, որ Ուրսուլա ֆոն դեր Լայենը համապատասխան հայտարարություն է արել Կահիրեում Եգիպտոս-ԵՄ ներդրումային համաժողովի բացման արարողության ժամանակ։

«Մարտին մենք Եգիպտոսի հետ 7,4 մլրդ եվրոյի չափով օգնության պայմանագիր ենք ստորագրել, իսկ այսօր խոստացված գումարի առաջին միլիարդը հատկացնում ենք Կահիրեին՝ երկրում իրականացվող տնտեսական բարեփոխումներին աջակցելու նպատակով»,-հայտարարել է Ֆոն դեր Լայենը՝ հավելելով, որ Եգիպտոսի տնտեսական ոլորտում փոփոխությունները կնպաստեն ներդրողների էլ ավելի մեծ ներգրավմանը Եգիպտոսի տնտեսությանը և երկրում կստեղծեն նոր աշխատատեղեր։ 

«Ընդհանուր առմամբ, ֆորումի մասնակիցները նախատեսում են ստորագրել ավելի քան 20 փոխըմբռնման հուշագիր՝ 40 միլիարդ եվրո ընդհանուր արժեքով»,-հավելել է Ֆոն դեր Լայենը։ 

Նա նշել է, որ համաձայնագրերը կընդգրկեն մի քանի ոլորտներ, մասնավորապես՝ կանաչ ջրածնի արտադրությունը, ավիացիոն և ավտոմոբիլային արդյունաբերությունը և քիմիական արդյունաբերությունը։

Եգիպտոսի նախագահ Աբդել Ֆաթահ աս-Սիսին իր ելույթում նշել է, որ երկիրը ներկայում բախվում է միջազգային և տարածաշրջանային մակարդակներում իրար հաջորդող ճգնաժամերի, որոնց բացասական հետևանքները զգում են աշխարհի բոլոր երկրները։

«Այս առումով, Եգիպտոսի և նրա եվրոպացի գործընկերների միջև փոխադարձ աջակցությունն ու համակարգումը առանձնահատուկ նշանակություն ունեն»,-ընդգծել է Եգիպտոսի ղեկավարը։

Կահիրեում բացվել է Եգիպտոս-ԵՄ ձևաչափով երկօրյա ներդրումային ֆորում։ Համաժողովն անցկացվում է «Բացելով Եգիպտոսի ներուժը արագ փոփոխվող աշխարհում» կարգախոսով և անցկացվում է երկրի նախագահի հովանու ներքո։ 

Միջոցառման կազմակերպիչների խոսքով՝ ֆորումի մասնակիցները նախատեսում են քննարկել Եգիպտոսի և ԵՄ-ի միջև համագործակցության ամրապնդումը տնտեսական, նորարարության, տրանսպորտի, էներգետիկայի, տեխնոլոգիաների և այլ ոլորտներում:

Նախատեսվում է առանձնահատուկ ուշադրություն հատկացնել եվրոպական ներդրումների ներգրավմանը Եգիպտոսի տնտեսության մի շարք ոլորտներում, մասնավորապես՝ ենթակառուցվածքների զարգացման, էներգիայի այլընտրանքային աղբյուրների որոնման, ջրամատակարարման ցանցերի բարելավման, առողջապահության և կրթության ոլորտներում:

Իրանի խորհրդարանի խոսնակ, երկրի նախագահի նախկին թեկնածու Մոհամադ Բաղեր Գալիբաֆը հայտարարել է, որ աջակցում է Սաիդ Ջալիլիին նախագահական ընտրությունների երկրորդ փուլից առաջ, տեղեկացրել է Mehr-ը։

«Եվ խնդրում եմ բոլոր հեղափոխական ուժերին եւ իմ կողմնակիցներին օգնել, որպեսզի շարժումը, որը դարձել է մեր տնտեսական եւ քաղաքական խնդիրների զգալի մասի պատճառը, չվերադառնա իշխանություն»,- իրանական ԶԼՄ-ն մեջբերել է Գալիբաֆի հայտարարությունը սոցցանցերում։

Իրանի արտահերթ նախագահական ընտրությունները անցնում են երկրորդ փուլ այն բանից հետո, երբ թեկնածուներից ոչ մեկը չկարողացավ հավաքել ձայների 50 տոկոսը՝ համաձայն շաբաթ հրապարակված արդյունքների։

Վերջնական հաշվարկների համաձայն, որոնք հայտարարել է ընտրական շտաբը շաբաթ օրը, առողջապահության նախկին նախարար Մասուդ Փեզեշքիանը հավաքել է ձայների ամենամեծ քանակությունը՝ 10,4 մլն։ Նրա մերձավոր մրցակիցը՝ միջուկային ծրագրի վերաբերյալ նախկին գլխավոր բանակցող Սաիդ Ջալիլին, զբաղեցրել է երկրորդ տեղը 9,4 մլն ձայներով։

Խորհրդարանի խոսնակ Մոհամադ Բաղեր Գալիբաֆը հավաքել է 3,3 մլն ձայն իսկ ներքին գործերի նախկին նախարար Մոսթաֆա Փուրմոհամադին՝ 206 000։ Առաջին փուլում քվեարկել է ընտրողների մոտ 40 տոկոսը։

Ընտրությունների երկրորդ փուլը տեղի կունենա հուլիսի 5-ին, եւ մնացած երկու թեկնածուները կունենան մեկ շաբաթ ընտրարշավի եւ հեռուստաբանավեճերի համար։

Արտահերթ նախագահական ընտրությունների քվեարկությունը կայացել է ուրբաթ եւ երեք անգամ երկարացվել է ընտրական շտաբի կողմից, մինչեւ որ քվեարկության համար հերթերը կեսգիշերին ավարտվել են։

«Պրեսսինգ» հաղորդաշարում  Սաթիկ Սեյրանյանի հյուրն Արցախի Հանրապետության «Արդարություն» կուսակցության համահիմնադիր և համանախագահ Հակոբ Հակոբյանն է։

Ուկրաինան Ռուսաստանի հետ հակամարտությունը դադարեցնելու համապարփակ ծրագիր է պատրաստում և հույս ունի, որ դրան կաջակցեն աշխարհի երկրների մեծ մասը: Այս մասին հայտարարել է Ուկրաինայի նախագահ Վլադիմիր Զելենսկին Սլովենիայի նախագահ Նատաշա Պիրց-Մուսարի հետ մամուլի ասուլիսի ժամանակ։

Զելենսկին հիշեցրել է, որ վերջերս Շվեյցարիայում տեղի է ունեցել խաղաղության գագաթնաժողով, և ներկայումս մշակվում են երեք մանրամասն գործողությունների ծրագրեր էներգետիկայի, պարենային անվտանգության և ռազմագերիների փոխանակման հարցերի վերաբերյալ:

«Վստահ եմ, որ մենք կլուծենք այդ հարցերը։ Համենայն դեպս, մենք կպատրաստենք համապարփակ ծրագիր: Այն պատրաստ կլինի շուտով։ Մենք նաև կմշակենք խաղաղության բանաձևի մնացած բոլոր կետերը և կպատրաստենք համապարփակ ծրագիր, որը կներկայացվի մեր գործընկերների քննարկմանը։ Մեզ համար շատ կարևոր է ցույց տալ պատերազմը դադարեցնելու ծրագիր, որը կաջակցի աշխարհի երկրների մեծամասնությանը։ Դա դիվանագիտական ճանապարհն է, որի վրա աշխատում ենք ։ Բացի այդ, ինչպես ասացի, ամեն ինչ մեզանից կախված չէ», – Զելենսկու խոսքերը մեջբերում է «Ուկրինֆորմ»-ը։

Նա հավելել է, որ այն պատրաստ կլինի մինչև տարեվերջ։