Այսօր գնում ենք գինու փառատոն, ինչու՞ չպետք է գնանք, դա էլ է մեր միջոցառումը.

Բագրատ Սրբազան

Ինքը փուռը չէ՞ր տալիս քաղաքացիներին, երբ թքում էր մարդկանց վրա, իր հարսի մասով գործն էլ կարճվեց.

Տեսանյութ

Առողջապահության նախարար Անահիտ Ավանեսյանը տեսակցել է Երևան-Սևան ճանապարհին երեկ տեղի ունեցած պայթյունի հետևանքով հոսպիտալացված տուժածներին։

Այդ մասին տեղեկանում ենք նախարարի Ֆեյսբուքի էջից:

«Պացիենտներից երկուսի առողջական վիճակը ծայրահեղ ծանր է, չորսինը` միջին ծանրության։

Մեր բուժաշխատողներն անում են հնարավոր ամեն ինչ նրանց ապաքինման համար։

Հանդիպեցի նաև տուժածների հարազատներին։

Մաղթում եմ առողջություն, արագ ապաքինում»,- նշված է գրառման մեջ։

Բագրատ Սրբազանը Ալիևին՝ ձեր ծառաները շուտով հեռանալու են.

ՈՒՂԻՂ

Գինու փառատոն ենք ունենալու, հերիք է. Սիմոնյանը՝ Բագրատ սրբազանին.

Տեսանյութ

Ես իրեն և ստեր չեմ մեկնաբանում: Այս մասին լրագրողների հետ զրույցում հայտնեց ԱԺ նախագահ Ալեն Սիմոնյանը՝ անդրադառնալով ՌԴ ԱԳՆ ներկայացուցիչ Մարիա Զախարովայի խոսքերին այն մասին, որ ուկրաինական Բուչա քաղաքում «իբր ռուսների կողմից սպանվածների ցուցակով» կիսվի ռուսական կողմի հետ հայկական կողմը, որը նրանց է փոխանցել Կիևը։

«Որևիցե պատվիրակություն Հայաստանից չի գնացել, բայց կարող եմ տիկին Զախարովային փոխանցել մեր կամ իմ լրատվականը փոխանցի Լեռնային Ղարաբաղում վերջին իրադարձությունների ժամանակ 200-ից ավելի մահացած հայերի անուններ կամ 100.000-ից ավելի փախստականների անուններ այն տարածքից, որտեղ իրենք խաղաղապահ գործունեություն էին ծավալում»,- նշեց նա:

Ալեն Սիմոնյանը շեշտեց՝ ստեր և աբսուրդներ, որն արդեն գործելաոճ է դարձել, չի մեկնաբանում:

«Սուտ է խոսում ուղղակի նա, ես խոստանում եմ, որ կփոխանցեմ Նոր Նորքի թաղապետին, որ պատասխանի ՌԴ ԱԳՆ ներկայացուցչությանը»,- ասաց նա:

Հիշեցնենք, որ ՌԴ ԱԳՆ պաշտոնական ներկայացուցիչ Մարիա Զախարովան այսօր ասել էր.

«Ռուսաստանը հայ խորհրդարանականներին կոչ է անում կիսվել ուկրաինական Բուչա քաղաքում «իբր ռուսների կողմից սպանվածների ցուցակով»»:

Նախորդ ցերեկը Ալիևը նոր, թարմ ու շատ կոշտ պահանջներ է դնում, Հայաստանի իշխանության ներկայացուցիչների օրը հաջորդ առավոտյան բացվում է ինքնափիառ-հեծանվավազքով։

Ֆեյսբուքյան էջում գրել է «Այլընտրանքային նախագծեր» խմբի անդամ Վահե Հովհաննիսյանը․

«Մոտեցել ենք անհամատեղելիության կետին

Երբ ես ասում եմ, որ մենք մտնում ենք շատ ավելի խոր ճգնաժամի մեջ, քան քաղաքականն է, նկատի ունեմ համակեցության ճգնաժամը։ Մասնավորապես. ուշ երեկոյան երկրում տեղի է ունենում լուրջ պայթյուն, մարդիկ են ծանր վիրավորվում։ Երկրի մեկ երրորդը ջրհեղեղից հետո աղետալի վիճակում է։

Նախորդ ցերեկը Ալիևը նոր, թարմ ու շատ կոշտ պահանջներ է դնում, որոնք թերևս անհաղթահարելի են։ Մեծ հաշվով նա բանակցային դաշտում ստեղծում է նոր բարդ իրավիճակ, որի լուծումն այս պահին չի երևում։

Հայաստանի իշխանության ներկայացուցիչների օրը հաջորդ առավոտյան բացվում է ինքնափիառ-հեծանվավազքով։

Բոլոր ադեկվատ, մտածող մարդիկ մտահոգ են, անքուն գիշեր են անցկացրել, փորձում են մարսել տեղի ունեցածը։

Մենք ընդհուպ մոտեցել ենք համակեցության անհամատեղելիության կետին. կամ մտածող, ադեկվատ մարդիկ այլևս չեն կարող ապրել մեր երկրում, կամ էս մարդիկ այլևս չպիտի լինեն իշխանության»։

Ռուսաստանը հայ խորհրդարանականներին կոչ է անում կիսվել ուկրաինական Բուչա քաղաքում «իբր ռուսների կողմից սպանվածների ցուցակով», որը նրանց է փոխանցել Կիևը։ Այս մասին Սանկտ Պետերբուրգի միջազգային տնտեսական համաժողովի շրջանակում, News.ru-ի հարցին պատասխանելիս, լրագրողներին ասել է ՌԴ ԱԳՆ պաշտոնական ներկայացուցիչ Մարիա Զախարովան՝ մեկնաբանելով՝ Ուկրաինայում Հայաստանի դեսպան Վլադիմիր Կարապետյանի և Երևանի Նոր Նորք վարչական շրջանի ղեկավար Տիգրան Տեր-Մարգարյանի այցը Կիևի մարզի Բուչա քաղաք:

«Իհարկե, Հայաստանի խորհրդարանական պատվիրակությունն ունի զոհերի ցուցակ, որը Կիևի ռեժիմը վերագրել է, իբր, ռուսական բանակին, որ այդ մարդկանց սպանել է ռուսական կողմը։ Մենք իսկապես հուսով ենք, որ հայկական կողմը՝ հայկական պաշտոնական պատվիրակությունը, այդ մարդկանց ցուցակով կկիսվի ռուսական կողմի հետ: Երկու տարի է՝ չենք կարողանում հասնել նրան, որ որևէ մեկը, այդ թվում՝ ՄԱԿ-ը, մեզ տվյալներ տրամադրի այնտեղ իբր զոհված մարդկանց ցուցակի վերաբերյալ»,- ասել է Զախարովան։

Նա հայտարարել է, որ «չի կարելի սպասել ոչ մի լավ կամ կառուցողական բան» արևմտյան պետություններից՝ ի տարբերություն Երևանի ներկայացուցիչների։

«Մենք կապ ենք պահպանում հայկական կողմի հետ, հուսով ենք, որ այնտեղ (Բուչայում) իբր զոհվածների ցուցակը մեր հայ ընկերները կփոխանցեն»,- եզրափակել է ԱԳ նախարարության խոսնակը։

Հայաստանի և Ռուսաստանի հարաբերությունները գտնվում են ճգնաժամի մեջ: Այս մասին ռուսական «ՏԱՍՍ» լրատվական գործակալության փոխանցմամբ միջազգային լրատվամիջոցների հետ ասուլիսում հայտարարել է «Տավուշը հանուն հայրենիքի» շարժման առաջնորդ Բագրատ արքեպիսկոպոս Գալստանյանը։ 

«Այսօր Հայաստանի Հանրապետությունը պայմանագրային-իրավական հարաբերություններ ունի Ռուսաստանի Դաշնության հետ, թեև այսօր այդ հարաբերությունները, մեղմ ասած, լավ վիճակում չեն, եթե չասենք, որ դրանք ամբողջությամբ կամ էապես խաթարված են։

Չնայած՝ մենք շատ հարցեր ունենք ռուսական կողմին, բայց  հարաբերությունները պետք է հասցվեն համապատասխան պայմանագրային պայմանավորվածությունների մակարդակին և նորմալ հունի մեջ դրվեն»,- նշել է Գալստանյանը։ 

Նա նշել է, որ մեր հարաբերությունները պահանջում են չափազանց խորը երկխոսություն և փոխըմբռնում։

«Այս փուլում մենք հարաբերությունների բացակայության վիճակում ենք գտնվում։ Խնդիրները շատ են, բայց մենք պետք է պատրաստ լինենք այդ բոլոր հարցերը լուծել փոխըմբռնման ու երկխոսության մակարդակով»,- ասել է Սրբազանը։