Աշխարհի ակումբային առաջնության քառորդ եզրափակիչում Դորտմունդի «Բորուսիային» խփած գոլի շնորհիվ Մադրիդի «Ռեալի» ֆրանսիացի հարձակվող Կիլիան Մբապեն Արքայական ակումբի ռեկորդ է սահմանել։

Նա «Ռեալի» պատմության մեջ առաջին խաղացողն է, որը կարողանում է մեկ մրցաշրջանի ընթացքում 7 տարբեր մրցաշարերում գոլ խփել, հաղորդում է Stats Foot-ը։

Մբապեն 44 գոլ է խփել 58 խաղում։ Նա 31 անգամ աչքի է ընկել Լա Լիգայում, 7 անգամ՝ Չեմպիոնների լիգայում, 2 անգամ՝ Իսպանիայի գավաթի խաղարկությունում, 1-ական գոլ էլ խփել է Իսպանիայի Սուպերգավաթի, Եվրոպայի Սուպերգավաթի, Միջմայրցամաքային գավաթի խաղերում եւ աշխարհի ակումբային առաջնությունում։

ԱՄՆ-ում ընթացող մրցաշարի քառորդ եզրափակիչում «Ռեալը» «Բորուսիային» հաղթել էր 3:2 հաշվով եւ կիսաեզրափակիչում կմրցի Ֆրանսիայի չեմպիոն, գավաթակիր, Չեմպիոնների լիգայի գավաթակիր ՊՍԺ-ի հետ։