Իրանի Ատոմային էներգիայի կազմակերպության ղեկավար Մոհամմադ Էսլամին հայտարարել է, որ չնայած Իսրայելի ավիահարվածների ժամանակ վեց գիտնականների մահվանը՝ Թեհրանը կշարունակի զարգացնել իր միջուկային ծրագիրը:

«Մեր երիտասարդ գիտնականներն ու փորձագետները հույսով և վճռականությամբ կշարունակեն սպանվածների ուղին»,- գրել է Էսլամին Instagram-ի իր էջում։

Ավելի վաղ իրանական լրատվամիջոցները հայտնել էին Շահիդ Բեհեշթիի համալսարանի միջուկային ոլորտի հինգ դասախոսների՝ Աբդոլհամիդ Մինուչեհրի, Ահմադռեզա Զուլֆիկարիի, Ամիրհոսեյն Ֆախրիի, Մոհամմադ Մեհդի Թեհրանչիի և միջուկային գործակալության նախկին ղեկավար Ֆերեյդուն Աբասիի մահվան մասին: Հաղորդվել է նաև Մաթլաբիզադե անունով վեցերորդ գիտնականի մահվան մասին, ում պաշտոնը չի նշվում։