Իրանի հարավում գտնվող Շահիդ Ռաջայի նավահանգստում տեղի ունեցած պայթյունի հետևանքով զոհերի թիվը հասել է 36-ի, հայտարարել է Իրանի խորհրդարանի առողջապահության և բժշկական ծառայությունների հանձնաժողովի անդամ Մոհամմադ Ջամալյանը:

 

Նրա խոսքով, ինչպես մեջբերում է ԻԼՆԱ գործակալությունը, այս պահին դատաբժշկական վարչությունում «մահացածների 36 դի կա»։ Պատգամավորը նաև մատնանշեց, որ նրանցից շատերը մնում են անհայտ, ինչը անհնարին է դարձնում անհայտ կորածների թիվը որոշելը։ Ջամալյանը չի բացառում նաեւ, որ նավահանգստի տարածքում դեռ կարող են լինել մահացածների դիեր։ Խորհրդարանականի խոսքով՝ 240 տուժած մնում է հիվանդանոցներում, նրանցից 5-ի վիճակը ծանր է։