ՀԱՄԱՍ-ը Ուիտկոֆից նոր առաջարկ է ստացել Գազայում հրադադարի վերաբերյալ. հայտարարություն
Պաղեստինյան ՀԱՄԱՍ շարժումը հայտարարել է, որ միջնորդների միջոցով Գազայի հատվածում հրադադարի նոր առաջարկ է ստացել ԱՄՆ նախագահի Մերձավոր Արևելքի հարցերով հատուկ բանագնաց Սթիվ Ուիտկոֆից: Այս մասին հայտնում է ՌԻԱ Նովոստին։
«ՀԱՄԱՍ շարժման ղեկավարությունը միջնորդների կողմից նոր առաջարկ է ստացել Ուիտկոֆից և պատասխանատու կերպով ուսումնասիրում է այդ առաջարկը»,-ասվում է շարժման հայտարարության մեջ:
Ավելի վաղ ԶԼՄ-ները հայտնել էին, որ Իսրայելը քննարկում է ամերիկացի հատուկ բանագնաց Սթիվ Ուիտկոֆի` Գազայի հատվածի կարգավորման նոր ծրագիրը, որը 60-օրյա հրադադար է նախատեսում:
Նոր սխեման նախատեսում է 10 պատանդի ազատ արձակում և 18 զոհվածի աճյունների վերադարձ երկու փուլով՝ գործարքի իրականացման առաջին շաբաթվա ընթացքում: Փոխարենը Իսրայելը բանտերից ազատ է արձակում շուրջ 1.5 հազար պաղեստինցի բանտարկյալի, այդ թվում՝ ահաբեկչության համար ցմահ դատապարտվածներին: 60-օրյա ժամանակավոր հրադադարի ընթացքում Իսրայելը և պաղեստինյան ՀԱՄԱՍ շարժումը միջնորդների միջոցով բանակցում են պատերազմի վերջնական դադարեցման պայմանների շուրջ:
Այդ բանակցությունների ձախողման դեպքում Իսրայելը կարող է վերսկսել ռազմական գործողությունները պաղեստինյան անկլավում:
Հնարավոր գործարքով նախատեսվում է նաև վերադառնալ Գազայի հատվածում մարդասիրական օգնության բաշխման նախկին սխեմային՝ ՄԱԿ-ի և միջազգային կազմակերպությունների մասնակցությամբ:
Մայիսի 18-ին Իսրայելի պաշտպանության բանակը Գազայի հատվածում լայնածավալ ցամաքային գործողություններ է սկսել «Գեդեոնի մարտակառքեր» գործողության շրջանակում, որն ուղղված է ՀԱՄԱՍ-ի վերջնական ջախջախմանը: Գործողությունը ենթադրում է նոր տարածքների գրավում և պահպանում։
Latest from ArmNews
- Մասկը ներկայացրել է Telegram-ի անալոգը. այն կոչվում է XChat
- Թեհրանը հայտարարում է առաջընթացի մասին ԱՄՆ-ի հետ անուղղակի բանակցություններում
- «Դեպի Երկիր է շարժվում տարվա` արեգակնային նյութի ամենամեծ ամպը». Լևոն Ազիզյան
- Ֆրանսիան զգուշացրել է իր քաղաքացիներին Վրաստան մուտք գործելու վտանգների մասին
- Խստորեն դատապարտում և մերժում ենք ՀՀ կառավարչի և նրան կողակցված անձի զարհուրելի վարքագիծը… Ժամանակն է բռունցքվելու, վճռականության և գործողությունների. ՀՀԿ ԳՄ
- Միլիարդատիրոջ դուստրը պսակադրվեց՝ գաղտնի պահպանված արարողությամբ
- Մտածված քաղաքականություն է. Դիվանագետների համահայկական խորհուրդը` Փաշինյանի մասին
- Գերմանիան Երկրորդ համաշխարհային պատերազմից հետո առաջին անգամ զորքեր է ուղարկել այլ երկիր