Վրաստանը վերականգնում է Սաակաշվիլու օրոք չեղարկված՝ «Հայրենիքի դավաճանություն» հոդվածը
Վրաստանի խորհրդարանը կողմ է քվեարկել երկրի Քրեական օրենսգրքում «Հայրենիքի դավաճանություն» հոդվածը վերականգնելուն, որը չեղարկվել էր 2007 թվականին՝ նախագահ Միխայիլ Սաակաշվիլու օրոք։
Իշխող «Վրացական երազանք» կուսակցության գործադիր քարտուղար Մամուկա Մդինարաձեն հայտարարել է, որ Քրեական օրենսգրքում այս հոդվածի չեղարկումը թելադրված էր այն ժամանակվա իշխանությունների գիտակցմամբ, որ ապագայում պատասխանատվություն են կրելու հանցավոր գործունեության համար։
«Հայրենիքի դավաճանություն» հոդվածը նախատեսում է պատիժ՝ պաշտոնյաների կողմից հակասահմանադրական պայմանագրեր կնքելու, արտաքին անվտանգության ոտնձգության, պետական գաղտնիքի հրապարակման, լրտեսության, դիվերսիայի, դավադրության կամ սահմանադրական կարգը տապալելու նպատակով ապստամբության համար։
Վրացական ընդդիմությունը կարծում է, որ Քրեական օրենսգրքում հոդվածի վերականգնումն իշխանություններին անհրաժեշտ է նախկին իշխող «Միացյալ ազգային շարժում» կուսակցության և նրա առաջնորդ Սաակաշվիլու դեմ հայտարարված դատական գործընթացի համար։ Այդ նպատակով խորհրդարանում արդեն իսկ ստեղծվել է ժամանակավոր քննիչ հանձնաժողով՝ նախկին իշխանությունների հանցավոր գործունեության փաստերը պարզելու համար։
Latest from ArmNews
- Սա ուղղակի միջամտություն է Հայաստանի Հանրապետության ներքին գործերին. Ալեն Սիմոնյանի արձագանքը Սոլովյովին
- Մեծ թվով ոստիկաններ ժամանեցին ՔԿ, որտեղ Սամվել Կարապետանի աջակիցներն են
- Երբեք չեմ հրաժարվի իմ սկզբունքներից ու արժեքներից. Սամվել Կարապետյան
- ՀԱԵ-ին սատարողների նկատմամբ ճնշումները անընդունելի են․ Մոսկվայի պատրիարքարան
- Եվրոպան ընդմիշտ փակում է ռուսական գազի ծորակը. Կալլաս
- Հասունացել է պահը, երբ Հայաստանի էլեկտրական ցանցեր ՓԲԸ-ն պետք է ազգայնացվի (պետականացվի), դա տեղի կունենա արագ․ Փաշինյան
- Սամվել Կարապետյանը ՔԿ-ում է, նրա նկատմամբ քրեական վարույթ է նախաձեռնվել
- Մենք լիակատար վերահսկողություն ունենք Իսրայելի երկնքի նկատմամբ․ ԻՀՊԿ-ի պաշտոնական հայտարարությունը
Լրահոս
Ֆոտո
