Գերմանիայի չեմպիոն Մյունխենի «Բավարիան» հաղթանակով մեկնարկեց ԱՄՆ-ում անցկացվող աշխարհի ակումբային առաջնությունում։

Բելգիացի Վենսան Կոմպանիի գլխավորած թիմը Ցինցինատիում մրցեց Նոր Զելանդիայի «Օքլենդի» հետ եւ հաղթեց 10:0 հաշվով։

Հեթ-տրիկի հեղինակ դարձավ գերմանացի կիսապաշտպան Ջամալ Մուսիալան, երկուական գոլ խփեցին ֆրանսիացի հարձակվող Քինգսլի Քոմանը, գերմանացի հարձակվող Թոմաս Մյուլերը, ֆրանսիացի կիսապաշտպան Մայքլ Օլիսեն։ Աչքի ընկավ նաեւ ֆրանսիացի պաշտպան Սաշա Բոեն։

C խմբում ընդգրկված են նաեւ պորտուգալական «Բենֆիկան» եւ արգենտինական «Բոկա Խունիորսը»։ Երկրորդ տուրում «Բավարիան» հունիսի 21-ին կխաղա «Բոկա Խունիորսի» հետ։