Հյուսիսային Կորեայի սակրավորները մասնակցում են Կուրսկի մարզում ականազերծմանը
Ռուսաստանի Կուրսկի մարզում շարունակվում է Ուկրաինայի զինված ուժերից ազատագրված տարածքների ականազերծումը: Այդ աշխատանքներին Ռուսաստանցի սակրավորների հետ մեկտեղ մասնակցում են նաև մասնագետներ ԿԺԴՀ-ից։
«Կրասնայա զվեզդա» պարբերականի հետ զրույցում Ռուսաստանի սակրավորների վաշտի հրամանատարը հայտնել է, որ Կորեայի ժողովրդական բանակի սակրավորներին սովորեցրել են ռուսերեն հրամանները, նրանք արագ սովորում են, ուշադիր լսում, ամեն ինչ գրառում։
ԿԺԲ-ի սակրավորների ստորաբաժանումը ստեղծվել և Կուրսկի մարզ է ուղարկվել Հյուսիսային Կորեայի առաջնորդ Կիմ Չեն Ընի հրամանով։ Դա արվել է համապարփակ ռազմավարական գործընկերության երկկողմ համաձայնությունների շրջանակում, որոնք ձեռք են բերվել 2024 թվականի հունիսին Փհենյանում Ռուսաստանի նախագահ Վլադիմիր Պուտինի և Կիմ Չեն Ընի միջև կայացած հանդիպման ժամանակ։
Ըստ ՏԱՍՍ գործակալության՝ ուկրաինացի զինծառայողները Կուրսկից նահանջելիս տարբեր տեսակի հարյուրավոր պայթյունավտանգ առարկաներ են թողել իրենց հետևից, այդ թվում՝ ԱՄՆ-ում, Մեծ Բրիտանիայում, Բուլղարիայում արտադրված հրետանային և ականանետային արկեր, հակատանկային և հակահետևակային ականներ, ձեռքի նռնակներ։
Latest from ArmNews
- «Սիթի» ՍՊԸ -ի սուպերմարկետներում հայտնաբերվել են վտանգավոր խաղալիքներ. Տեսչական մարմինը կասեցրել է դրանց իրացումը
- Երկաթուղին պիտի Ադրբեջանից մտնի Մեղրի, հետո Նախիջևան ու Երասխ և շարունակվի մինչև Թուրքիայի սահման. Փաշինյան
- Աշխարհում անալգինը անալգին ա, ինչպես թթվածինը՝ թթվածին, ջրածինը՝ ջրածին. Փաշինյան
- Ադրբեջանից բերված ղազախական ցորենն օգտագործելի է սննդի մեջ կիրառելու համար․ տեսչության ղեկավար
- Ի՞նչ է կատարվում Սյունիքում․ 47 հանրակրթական դպրոցն անհետանալու շեմին է
- Մարդը հունվարի 3-ին շատ կերել, խմել ա, հավելվածն էլ քաշել ա, ի՞նչ անի. Փաշինյանը՝ Ավանեսյանին
- Ռուսական բանակը հզորությամբ երկրորդն է աշխարհում. ո՞ր երկրի բանակն է առաջինը
- Ուկրաինացի փախստականները բեռ են դարձել եվրոպական երկրների համար
