Լսումներին նախորդող շրջանում կառավարիչները և ԱԺ-ի իրենց կողմից փորձել են խոչընդոտել լսումների կազմակերպումը: Այս մասին, այսօր՝ սեպտեմբերի 26–ին, «Ազգային ճգնաժամի և կառավարման ձախողման մասին» ԱԺ հայտարարության նախագծի վերաբերյալ ԱԺ լսումների սկզբում հայտարարեց «Պատիվ ունեմ» խմբակցության ղեկավար Հայկ Մամիջանյանը: 

«Նախ շուրջ 300 հոգի ցանկություն էր հայտնել մասնակցել լսումներին, գրանցվել էր, իսկ նրանցից հաստատվել է միայն 160-ի ներկայությունը: Նման բան ԱԺ պատմության մեջ երբեք չի եղել: Միշտ լսումների ժամանակ ավելի մեծ թվով մարդկանց են թողել մասնակցելու, բայց մենք այդ խոչընդոտներին սովոր ենք: Չասեմ, որ մինչ այդ առհասարակ փորձում էին մերժել և չտրամադրել լսումների հնարավորություն՝ բացարձակ իրականության հետ կապ չունեցող պատճառաբանություն բերելով»,- ասաց Մամիջանյանը:

Նա նշեց, չնայած՝ այդ ամենին իրենք իրենց նպատակին հասել են ու կունենան արդյունավետ աշխատանք. «Վստահ եմ որ էդ խանգարելու մոլուցքը շարունակվելու է նաև այսօր, փորձելու են խոչըտնդոտել և խնդրանքս հետևյալն է՝ ելույթների ժամանակ պահպանել կոռեկտությունը ոչ թե որ նրանք դրան արժան են, այլ այն պատճառով, որ թույլ չտանք լսումների խոչընդոտներ ստեղծելուն:

Սկզբում կլինի հիմնական զեկույցը, որտեղ կներկայացվի հայտարարության տեքստը և մեր պակտերացումները գործընթացի մասին, կլինի կարճ հարցուպատասխանի հնարավորություն, որից հետո կսկսենք ելույթների գրանցումը և բուն ելույթները»,- նշեց նա: 

Նշենք, որ լսումներին զուգահեռ ԱԺ դիմաց հավաք է կազմակերպվել, մեծ էկրան է տեղադրվել, որով կարող են հետեւել լսումներին։