Ռուսաստանն Իրանին տեղեկություն է տրամադրում ամերիկյան ռազմանավերի եւ ինքնաթիռների գտնվելու վայրի մասին, գրել է Washington Post-ը՝ հղում կատարելով երեք իրազեկ աղբյուրների։
«Դա նման է բավական մասշտաբային նախաձեռնության»,- թերթը մեջբերել է իր զրուցակիցներից մեկի խոսքերը։
Թե որքան մեծ է Ռուսաստանի տրամադրած օգնությունը՝ պարզ չէ։ WP-ի աղբյուրների համաձայն՝ ամերիկյան թիրախների գտնվելու տեղը որոշելու Իրանի սեփական հնարավորությունները թուլացել են պատերազմի առաջին շաբաթվա ընթացքում։