Ուկրաինան պատրաստվում է Կիևի վրա Ռուսաստանի հնարավոր նոր հարձակումներին, հայտնել է Շմիգալը։
Ըստ Ուկրաինայի էներգետիկայի նախարարի՝ նախագահի հանձնարարությամբ անցկացվել է էներգետիկ օբյեկտների վրա ռուսական հարձակումների հետևանքների մեղմացման շտաբի փակ նիստ, որին մասնակցել են զինվորականներ։
Մանրամասների մեծ մասը գաղտնի է պահվում։ Հնարավոր հետագա հարձակումների համատեքստում նիստում քննարկվել է Կիևի ակտիվ օդային պաշտպանության ամրապնդումը, մասնավորապես՝ էներգետիկ օբյեկտները պաշտպանելու համար։
«Պաշտպանության կարիք ունեցող այլ կարևոր ենթակառուցվածքային օբյեկտներ նույնականացվել և դասակարգվել են որպես առաջնահերթություններ։ Բոլորն էլ ստացել են համապատասխան հանձնարարություններ։ Մենք շարունակում ենք աշխատել էներգետիկ ցանցը պաշտպանելու և ռուսական հարվածներից վնասը նվազագույնի հասցնելու ուղղությամբ», – գրել է Շմիգալը։