Ըստ Իրանի Իսլամական Հանրապետության բանակի հայտարարության՝ վերջին 24 ժամվա ընթացքում «Խաթամ ալ-Անբիա» համատեղ հակաօդային պաշտպանության համակարգերը խոցել են վեց առաջադեմ Hermes անօդաչու թռչող սարք՝ Սպահանի, Կասր Շիրինի, Թավրիզի, Խուզեստանի և ընդհանուր Թեհրանի տարածքում, հաղորդում է Pars Today-ը։
Հայտարարության մեջ նշվում է նաև, որ վերջին պատերազմի սկզբից ի վեր ցամաքային հակաօդային պաշտպանության ուժերը, բանակի ռազմաօդային ուժերի կործանիչ ինքնաթիռները և ԻՀՊԿ ստորաբաժանումները հայտնաբերել և ոչնչացրել են թշնամու 35 առաջադեմ անօդաչու թռչող սարք, դրանց թվում՝ RQ-19, Heron, Hermes, Orbiter և այլ անօդաչու թռչող սարքեր՝ Միացյալ հակաօդային պաշտպանության ցանցի շրջանակում։
Իր հերթին, Tasnim լրատվական գործակալությունը հաղորդել է Իրանի ԻՀՊԿ-ի հայտարարության մասին, որում նշվում է, որ Արևմտյան Ասիայում տեղակայված ԱՄՆ երկրորդ THAAD հակահրթիռային համակարգը հարվածվել է Իսլամական հեղափոխության պահապանների կորպուսի ճշգրիտ կառավարվող հրթիռներով և դուրս է բերվել շարքից։
Ավելի վաղ՝ մեկ օր առաջ, ոչնչացվել է ԱՄԷ-ի Ալ-Ռուվեյս ավիաբազայում տեղակայված THAAD ռադարային կայանը։
Այս երկու համակարգերի ոչնչացմամբ վերականգնվել են Իրանի Իսլամական Հանրապետության հրթիռային հնարավորությունները՝ հաջողությամբ խոցելով թիրախները։